सिटी बस थांबतील कोठे?

अकोला शहरातील बस थांब्यासाठी जागेचा सर्व्हेच नाही!

अकोला: जानेवारीच्या पहिल्या आठवड्यात अकोलेकरांच्या सेवेत पाच शहर बसेस दाखल झाल्यानंतर ह्यआरटीओह्णकडून अद्यापही परमिट मिळाले नाही. शिवाय मनपाकडून बस थांब्यांसाठी जागेचा सर्व्हे न केल्यामुळे मुख्य रस्त्यांवरून धावणार्‍या सिटी बसेस प्रवाशांसाठी नेमक्या थांबतील कोठे, असा सवाल उपस्थित झाला आहे. २00२-0३ मध्ये महापालिकेच्यावतीने अकोलेकरांसाठी शहर बस सेवा सुरू करण्यात आली होती. कालांतराने बस वाहतूक सेवेला घरघर लागली. अखेर डबघाईस आलेली शहर बस वाहतूक सेवा करण्याचा निर्णय महापालिका प्रशासनाने २0१४ मध्ये घेतला. बस सेवा बंद झाल्यामुळे सर्वसामान्य नागरिक, विद्यार्थ्यांंची चांगलीच कुचंबणा सुरू आहे. शहरवासीयांची गरज ओळखून मनपा आयुक्त अजय लहाने यांनी प्रशासनाच्या सोयीचा करारनामा तयार करून निविदा अर्ज बोलावले. यामध्ये श्रीकृपा ट्रॅव्हल्स नागपूरच्यावतीने सर्वाधिक २ रुपये ११ पैसे प्रतिकिलोमीटर दराची निविदा प्रशासनाने मंजूर केली. संबंधित कंपनीकडून मनपाला वार्षिक ४६ लाख रुपयांचे उत्पन्न प्राप्त होईल. जानेवारी महिन्यात बस सेवा सुरू करण्याचा दावा संबंधित कंपनीने केला होता. जानेवारीच्या पहिल्या आठवड्यात पाच सिटी बस उपलब्ध करून दिल्यानंतर अकोलेकरांच्या अपेक्षा जागृत झाल्या. आता २0 दिवस उलटून गेल्यावरही बस सेवा सुरू होण्याची लक्षणे दिसत नसल्याने अकोलेकर अस्वस्थ झाले आहेत. थकबाकी अदा केल्यावर परमिट? शहरात दाखल झालेल्या पाच सिटी बसेसला उपप्रादेशिक परिवहन (आरटीओ)विभागाने अद्यापही परमिट मंजूर केले नाही. आरटीओच्या नियमानुसार यापूर्वी बंद पडलेल्या सिटी बसेसची थकीत रक्कम मनपा प्रशासनाने जमा न केल्यामुळे नवीन बसेसला परमिट मिळण्यास विलंब होत आहे. ही रक्कम सुमारे ४0 लाखांच्यावर आहे. जिल्हाधिकार्‍यांनी घ्यावा पुढाकार! शहर बस वाहतूक सुरू करताना तांत्रिक अडचणी निर्माण होत आहेत. अकोलेकरांची गरज ओळखून बस सेवा लवकरात लवकर सुरू करण्याची गरज आहे. यासंदर्भात जिल्हाधिकारी जी. श्रीकांत यांनी पुढाकार घेऊन ह्यआरटीओह्ण विभागासोबत समन्वय साधण्याची गरज आहे.