लोकमत न्युज नेटवर्क
बोरगाव मंजू /डोंगरगाव: बोरगाव मंजू पोलिस ठाण्याच्या हद्दीतील वाशिंबा ते मासा रोडवर दोन मोटारसायकलची समोरासमोर धडकेत एक ठार झाल्याची घटना मंगळवारी धुलीवंदनाच्या दिवशी घडली, सुधाकर इंदोरे रा.धोतर्डी असे मुतकाचे नाव आहे, प्राप्त माहितीनुसार बोरगाव मंजू पोलिस ठाण्याच्या हद्दीतील धोतर्डी येथील सुधाकर मधुकर इंदोरे वय ३७ हे आपल्या मोटारसायकल क्रमांक एम.एच.३०ए .के.७०८१ वरून बोरगाव मंजू कडुन वाशिंबा ते मासा रोडवर जात होते, दरम्यान मासा कडुन वाशिंबा कडे आपल्या मोटारसायकल क्रमांक एम.एच.बि.जी.४५६० वरून बाळु हातोलकर रा.मासा हे जात होते दरम्यान या दोन मोटारसायकलची समोरासमोर धडक होऊन अपघात झाला या अपघातात दुचाकीस्वार सुधाकर इंदोरे हे गंभीर जखमी झाले, दरम्यान घटनेची माहिती मिळताच बोरगाव मंजू ठाणेदार हरिश गवळी, जमादार प्रकाश कोकरे,आंकत नागरगोजे यांनी धाव घेऊन सदर जखमिस अकोला येथील शासकीय रुग्णालयात उपचारासाठी दाखल केले असता वैद्यकीय अधिकारी यांनी सुधाकर इंदोरे यांना मृत घोषित केले,बाळू हतोलकार जखमी झाले आहेत. दरम्यान बोरगाव मंजू पोलिसांनी घटनास्थळाचा पंचनामा केला.वृत्त लिहीस्तोर पोलिस दप्तरी गुन्हा दाखल करण्याची प्रक्रिया सुरू होती.पुढील तपास ठाणेदार हरिश गवळी सह पोलीस करत आहेत. वार्ताहर