ठळक मुद्देसिद्धार्थ जगन्नाथ धुंदे याने लोखंडी पाइपने पत्नी शीतल धुंदे हिला मारहाण केली. मार लागल्याने शीतल रक्ताच्या थोराळ्यात कोसळून गत्प्राण झाली होती. अकोट ग्रामीण पोलिसांनी आरोपी पती सिद्धार्थ जगन्नाथ धुंदे याला अटक केली होती.
अकोट : तालुक्यातील ग्राम सुकळी येथे पतीने अनैतिक संबंधाच्या संशयावरून पत्नीच्या डोक्यात पाइपने मारहाण करून हत्या केल्याच्या घटनेच्या तपासात पोलिसांनी आणखी दोन आरोपींना २१ डिसेंबर रोजी अटक केली.
बोर्डीनजीक असलेल्या सुकळी येथील सिद्धार्थ जगन्नाथ धुंदे याने लोखंडी पाइपने पत्नी शीतल धुंदे हिला मारहाण केली. जबर मार लागल्याने शीतल रक्ताच्या थोराळ्यात कोसळून गत्प्राण झाली होती. या प्रकरणी अकोट ग्रामीण पोलिसांनी आरोपी पती सिद्धार्थ जगन्नाथ धुंदे याला अटक केली होती. दरम्यान, अकोट ग्रामीण पोलीस तपासादरम्यान विनायक जगन्नाथ धुंदे, शुभम विनायक धुंदे (रा. सुकळी) यांना अटक करण्यात आली. आरोपीची न्यायालयीन कोठडीत रवानगी करण्यात आली आहे. पुढील तपास ग्रामीण ठाणेदार ज्ञानोबा फड यांच्या मार्गदर्शनाखाली पोलीस उपनिरीक्षक धर्माजी डाखोरे, नंदकिशोर कुलट करीत आहेत.