मूर्तिजापूर : ग्रामीण पोलीस स्टेशन अंतर्गत येत असलेल्या सिरसो येथील शेतमजूराने राहत्या घरात गळफास लावून आत्महत्या केल्याची घटना ३ मार्च रोजी सकाळी उघडकीस आली. संतोष लक्ष्मण उईके(४२) असे मृतकाचे नाव आहे.सिरसो येथील संतोष उईके हे मोलमजुरी करुन आपल्या कुटूंबाचा गाडा चालवित होते. त्यांनी आपल्या घरी कोणी नसताना २ मार्च रोजी रात्रीच्या दरम्यान गळफास लावून आत्महत्या केली. शेतमजूरी करणाऱ्या संतोषच्या पश्चात पत्नी, तीन लहान मुली आहेत. विशेष म्हणजे त्यांची मोठी मुलगी अकोला येथील नवोदय विद्यालयात वर्ग ८ मध्ये शिक्षण घेत आहे. त्याच्या आत्महतेचे कारण समजू शकले नाही. या प्रकरणी ग्रामीण पोलीसांनी आकस्मिक मृत्यूची नोंद केली आहे. (शहर प्रतिनिधी )
सिरसो येथील शेतमजूराची गळफास घेऊन आत्महत्या
By लोकमत न्यूज नेटवर्क | Updated: March 3, 2020 14:49 IST