लोकमत न्यूज नेटवर्ककुरूम : राष्ट्रीय महामार्ग क्र.६ वर रामटेक - नवसाळ फाट्यानजीक उभ्या असलेल्या पंचर आयशर ट्रकला शिवशाहीने मागून जबर धडक दिल्याची घटना आज सोमवार दि.१९ नोव्हेबरला सकाळी ५:४५ वाजतादरम्यान घडली. सुदैवाने यात कुणीही जखमी झाले नाही, मात्र शिवशाही व ट्रकचे मोठया प्रमाणात नुकसान झाले आहे. जालनावरून नागपूरकडे जाणारी शिवशाही बस क्र.एम एच ०२ ई आर ४०७७ ने अकोल्यावरून अमरावतीकडे पोती वाहून नेणारा पंचर स्थितीत रोडच्या कडेला उभा असलेला आयशर ट्रक क्र. एम एच २१ एक्स ११३५ ला हा मागून जबर धडक दिल्याने शिवशाही व ट्रक मोठया प्रमाणात नुकसान झाले आहे, मात्र यात सुदैवाने कुणीही जखमी झाले नाही. घटनेची माहिती मिळताच कुरूम चौकीच्या पोलीसांनी घटनास्थळावर धाव घेतली.
शिवशाहीची ट्रकला मागून धडक; कुणीही जखमी नाही
By लोकमत न्यूज नेटवर्क | Updated: November 19, 2018 12:03 IST