दुचाकींची समोरासमोर धडक, १ ठार, १ गंभीर जखमी

Accident News मूर्तिजापूर - पिंजर मार्गावरील घटना.

मूर्तिजापूर : येथून पाच किलोमीटर असलेल्या रामखेडा गावाजवळ दोन दुचाकीची समोरासमोर जोरदार धडक झाल्याने १ जण घटनास्थळीच ठार झाला तर एक गंभीर जखमी झाल्याची घटना १९ डिसेंबर रोजी दुपारी १२:३० वाजताच्या दरम्यान घडली. पातुर नंदापूर येथील सैयद अजीम सैय्यद निसार (२५) हा आपल्या दुचाकी क्रमांक एमएच ३० एजे १५०२ ने कुरुमला कामावर जाण्यासाठी मूर्तिजापूरकडे येत होता तर पंकज राजू लोडम (२६) हा रवी खंडारे (२५) याला घेऊन एमएच २७ बीजे ७५०७ या दुचाकीने मूर्तिजापूरवरु आपल्या गावी कानडी येथे जात असताना दोन्ही दुचाकीची मूर्तिजापूर - पिंजर रोडवर कंझरा रामखेडा दरम्यान, रामखेडा गावाजवळ जोरदार धडक झाली यात सैय्यद अजीम सैय्यद निसार (२५) राहणार पातूर नंदापूर हा घटनास्थळीच ठार झाला व पंकज राजू लोडम (२६ ) राहणार कानडी बाजार हा गंभीररीत्या जखमी झाला तर त्याच्या दुचाकीवर मागे बसलेला रवी खंडारे हा किरकोळ जखमी झाला. घटनास्थळी धोत्रा प्राथमिक आरोग्य केंद्राची रुग्ण वाहिका मूर्तिजापूर येथे रुग्ण घेऊन येत असताना अचानक पोहोचल्याने त्याच रुग्णवाहिकचे चालक कुर्‍हेकर यांनी जखमी व मृताला येथील लक्ष्मीबाई देशमुख उपजिल्हा रुग्णालयात दाखल केले. यातील गंभीर जखमी पंकज लोडम याची प्रकृती चिंताजनक असल्याने त्याला पुढील उपचारासाठी अकोला येथे पाठविण्यात आले आहे.