रेल्वे मालधक्क्यावर ट्रकमधून पडून मजुराचा मृत्यू

स्थानिक बोरगाव मंजू रेल्वे स्थानक मालधक्यावर मालवाहू ट्रक मधुन रेल्वे डब्यात माल भरत असता पोत्यासह पडुन एका 46 वर्षीय  इसमाचा मृत्यू झाल्याची घटना सोमवारी सकाळी घडली.

बोरगाव मंजू स्थानिक बोरगाव मंजू रेल्वे स्थानक मालधक्यावर मालवाहू ट्रक मधुन रेल्वे डब्यात माल भरत असता पोत्यासह पडुन एका 46 वर्षीय  इसमाचा मृत्यू झाल्याची घटना सोमवारी सकाळी घडली. झाशी शहा रा.बोरगाव मंजु असे मृताचे नाव आहे. प्राप्त माहितीनुसार बोरगाव मंजू रेल्वे स्थानक मालधक्यावर मालवाहू ट्रक क्रमांक एम.एच. 24 जे. 5046 या ट्रक मधुन सोयाबीन चुरीने भरलेले पोते मालवाहक रेल्वे डब्यात काही लोक भरत असता . झाशी शहा रा.बोरगाव मंजु सदर पोते ट्रक मधुन पाटीवर रेल्वे डब्यात जात असताना ट्रक मधील तुटलेल्या पाटीत पाय अडकल्यामुळे तोल जाऊन झाशी शहा पोत्या सह जमीनीवर कोसळल्याने गंभीर दुखापत होउन घटना स्थळावर मृत्यू झाला. घटनेची माहिती मिळताच ठाणेदार विजय मगर सह बोरगाव मंजू पोलीसांनी धाव घेतली. दरम्यान सदर घटनेची माहिती संबंधित रेल्वे पोलीस प्रशासनास माहिती दिली. वृत्त लिहीस्तोर पोलीस  घटनास्थळी होते.