अकाेला : अडीच महिन्यांच्या कालावधीनंतर प्रथमच शनिवारी काेराेनाबाधितांच्या संख्येत किंचित घसरण झाल्याचे समाेर आले आहे. जिल्हा सामान्य रुग्णालयाकडून प्राप्त अहवालानुसार शहरातील १४५ जणांना काेराेनाची लागण झाली आहे. काेराेना बाधितांचा घसरलेला आकडा पाहता अकाेलेकरांना दिलासा मिळाला आहे. यादरम्यान, अद्यापही पूर्व व दक्षिण झाेनमध्ये काेराेनाचा उद्रेक कायमच असल्याची परिस्थिती आहे. जिल्ह्यासह शहरात फेब्रुवारी महिन्यापासून काेराेनाने हाहाकार घातल्याचे चित्र आहे. मनपा क्षेत्रात काेराेनाचा माेठ्या प्रमाणात प्रादुर्भाव झाला असून, त्यावर नियंत्रण मिळविण्यात महापालिका प्रशासन सपशेल अपयशी ठरल्याचे समाेर आले आहे. नागरिकांमध्ये जनजागृती करण्यापासून ते प्रभावी उपाययाेजना राबविण्यात प्रशासनाची यंत्रणा कुचकामी ठरली. दुसरीकडे नागरिकांनी साेशल डिस्टन्सिंगच्या नियमांकडे दुर्लक्ष केल्याचे परिणाम समाेर आले. मागील अडीच महिन्यांपासून शहरात दरराेज किमान अडीचशे ते तीनशे पेक्षा अधिक जणांना काेराेनाची बाधा हाेत असल्याचे अहवालाअंती समाेर आले. यामध्ये ज्यांनी काेराेनाची चाचणी केलीच नाही, अशा बाधितांची मनपाच्या दप्तरी नाेंदच नाही. त्यामुळे काेराेना बाधितांचा वाढता आकडा पाहता शहराच्या कानाकाेपऱ्यात काेराेनाचा फैलाव झाल्याची परिस्थिती आहे. अशावेळी शनिवारी जिल्हा सामान्य रुग्णालयाकडून प्राप्त अहवालात प्रथमच काेराेना बाधितांच्या संख्येत घसरण आल्याचे दिसून आले.
पूर्व व दक्षिण झाेन अनियंत्रित
शहरात दरराेज अडीचशे किंवा तीनशे रुग्ण आढळून येत असतील तर त्यामध्ये प्रत्येकी शंभर रुग्ण हे पूर्व व दक्षिण झाेनमधील आहेत. या दाेन्ही झाेनमधील रुग्णसंख्या कमी हाेण्याची काेणतीही चिन्हं दिसत नाहीत. शनिवारी प्राप्त अहवालात पूर्व झाेनमध्ये ५२ रुग्ण आढळून आले तसेच पश्चिम झाेनमध्ये २१, उत्तर झाेनमध्ये ११ व दक्षिण झाेनमध्ये काेराेनाचे ६१ रुग्ण आढळून आले आहेत.
१०५७ जणांनी दिले नमुने
काेराेनासदृश लक्षणे आढळून येणाऱ्या सुमारे १०५७ जणांनी मनपाच्या चाचणी केंद्रांमध्ये जाऊन नाकातील स्रावाचे नमुने दिले. यामध्ये ३३६ जणांनी आरटीपीसीआर आणि ७२१ जणांनी रॅपिड अँटिजन चाचणी केली. संबंधितांचे नमुने तपासणीसाठी जिल्हा सामान्य रुग्णालयाकडे पाठविण्यात आले आहेत.