Accident News | बोरगाव मंजू राष्ट्रीय महामार्गावर बोरगाव मंजू पोलिस ठाण्याच्या हद्दीत, नवीन बायपास नजीक अज्ञात वाहनाच्या धडकेत एक दुचाकीस्वार जागीच ठार झाल्याची घटना गुरुवारी रात्री अकरा वाजताच्या सुमारास घडली, पोलिसांनी नातेवाईकांच्या फिर्याद वरुन अज्ञात वाहन चालका विरुद्ध गुन्हा दाखल केला,तर विजय दहिकार रा काटेपुर्णा असे मृतकाचे नाव आहे.
पोलिस सुत्रांनी दिलेल्या माहितीनुसार बोरगाव मंजू पोलिस ठाण्याच्या हद्दीतील काटेपुरर्णा येथील विजय दिगंबर दहीकार वय ३८ हे आपल्या मोटारसायकल क्रमांक एम एच ३० व्हि ४१७६ ने डॉ पंजाबराव देशमुख कृषी विद्यापीठ अकोला येथे रात्री ड्युटीवर जात होते, दरम्यान विरुद्ध दिशेने येणाऱ्या एका अज्ञात वाहनाच्या धडकेत दुचाकीस्वार विजय हे गंभीर जखमी झाले,तर या अपघातात मृत्यू झाला.
दरम्यान घटनेची माहिती मिळताच ठाणेदार पुरुषोत्तम ठाकरे, हेड कॉन्स्टेबल दीपक कानडे, दत्ता कुठे यांनी घटनास्थळी धाव घेऊन घटनेचा व मृतदेहाचा पंचनामा करून मृतदेह उत्तरीय तपासणीसाठी अकोला येथील शासकीय रुग्णालयात दाखल करून नातेवाईकांनी दिलेल्या फिर्यादीवरून पोलिसांनी अज्ञात वाहन चालका विरुद्ध गुन्हा दाखल करून पसार झालेल्या अज्ञात वाहनाचा पोलिस शोध घेत आहेत, दरम्यान घटनेनंतर मा चंडीका माता आपत्कालीन पथकाने सहकार्य केले. पुढील तपास ठाणेदार पुरुषोत्तम ठाकरे यांच्या मार्गदर्शनाखाली पोलिस करीत आहेत.