अकोला - राष्ट्रीय महामार्ग ६ वरील बाळापूर बायपासच्या भिकूंड नदी पुलाजवळ सकाळी ६ वा बेंजे बँड पार्टी वाहन आणि ट्रक यांच्यात झालेल्या अपघातात एका व्यक्तीचा मृत्यू झाला. तर 13 जण जखमी झाले.
आज सकाळी बेंजे बँड पार्टीचे वाहन क्र MH 28 A9180हा अकोल्याकडून खामगावकडे जात होते. त्यावेळी पाठीमागून येणाऱ्या ट्रकने ( UP 70 FT9021) ओव्हरटेक करताना पाठीमागून धडक दिल्याने सदर बेंजो वाहन हे रस्त्यावर पलटी झाले. या अपघातात बेंजो वाहनाचा चालक शे. वहीत ( 37 वर्षे, रा अकोट जि अकोला) हा गाडी खाली दबल्याने मरण पावला. तसेच सदर बेंजो वाहनामध्ये बसलेले एकूण 13 बँण्ड वादक हे जखमी झाले . जख्मीना जिल्हा सर्व सामान्य रुग्णालयात दाखल करण्यात आले आहे.