अकोट- अकोला मार्गावर ऑटो उलटला; दोन ठार

Accident News अपघातात दोन जण ठार झाल्याची घटना ९ नोव्हेंबर रोजी रात्री घडली.

ठळक मुद्देपेट्रोल पंपनजीक अकोला रस्त्यावर पडलेल्या खड्ड्यात ॲाटो जोरदार उसळला.भाग्यश्री पहुरकर (२०) व विश्वनाथ इंगोले(७०) यांचा मृत्यू झाल्याची माहिती आहे.

अकोटःअकोट- अकोला मार्गावरील खड्ड्यात ऑटो  उलटल्याने झालेल्या अपघातात दोन जण ठार झाल्याची घटना ९ नोव्हेंबर रोजी रात्री घडली.

अकोट शहरातील एका होटेलवर लग्न सोहळ्यात सहभागी होण्यासाठी ॲाटोमध्ये जात असताना हा अपघात घडला. पेट्रोल पंपनजीक अकोला रस्त्यावर पडलेल्या खड्ड्यात ॲाटो जोरदार उसळला, त्यामुळे गंभीर अपघात घडला. यामध्ये रेल्वे वसाहत जेतवन नगर रहिवासी भाग्यश्री पहुरकर (२०) व विश्वनाथ इंगोले(७०) यांचा मृत्यू झाल्याची माहिती आहे. अपघात झाल्यानंतर जखमींना अकोट ग्रामीण रुग्णालयात आणण्यात आले होते. गंभीर अवस्थेत असलेल्या दोघांना अकोला रेफर करण्यात आले. यामध्ये मृतावस्थेत असलेल्या भाग्यश्री नामक युवतीला अकोला रेफर करण्यात आले तर विश्वनाथ इंगोले यांचा अकोला रुग्णालयात पोहोचण्यापूर्वी रस्त्यात मृत्यू झाल्याची माहिती रुग्णासोबत असलेल्यांनी दिली. तर ऑटोचालकासह इतर जखमींवर अकोटात उपचार सुरू आहेत. अकोट शहरातील रस्त्याची बिकट अवस्था आहे. अकोला- अकोट रस्त्यावर खड्डे पडलेले आहेत. त्यामुळे जीव मुठीत घेऊन रुग्णवाहिकासह इतर वाहनधारकांना कसरत करावी लागत आहे.