अकोला : न्यू आळशी प्लॉट येथील रहिवासी उद्योजक नवल केडिया यांच्या निवासस्थानी दरोडा टाकणाऱ्या आराेपींचा शाेध पाेलिसांकडून घेण्यात येत असतांनाच रविवारी दाेन आराेपींची रेखाचित्र जारी करण्यात आले आहेत. या आराेपींची माहीती मीळाल्यास पाेलिसांशी संपर्क साधण्याचे आवाहन करण्यात आले आहे. या दरोडेखोरांनी दराेडा टाकल्यानंतर चारचाकी वाहनातून पळ काढला हाेता. त्या आधारे पाेलिसांनी शाेध सुरु केला आहे.
खदान पोलिस स्टेशनच्या हद्दीत येणाऱ्या न्यू आळशी प्लॉटमध्ये उद्योजक नवल केडिया यांच्या निवासस्थानी गुरुवारी रात्री १०:३० ते ११ वाजण्याच्या सुमारास चारचाकी वाहनातून आलेल्या चार ते पाच दरोडेखोरांनी घरात प्रवेश करीत दराेडा टाकला हाेता. कुटुंबातील सदस्यांना शस्त्रांचा धाक दाखवून सोन्याचे दागिने व रोख रक्कम लंपास केली हाेती. या प्रकरणी खदान पाेलिसांनी गुन्हा दाखल करून आराेपींचा शाेध सुरु केला आहे. सुत्रांकडून मीळालेल्या माहीतीवरुन तसेच केडीया यांच्या कूटुंबीयांनी दिलेल्या माहीतीच्या आधारे दाेन अज्ञात आराेपींचे रेखाचित्र तयार करण्यात आले असून हे रेखाचित्र जारी करण्यात आले आहेत. या रेखाचित्राच्या आधारे आता आराेपींचा शाेध घेण्यात येत आहे.