शासकीय वैद्यकीय महाविद्यालयाच्या व्हीआरडीएल लॅबकडून गुरुवारी आरटीपीसीआर चाचण्यांचे २,९०३ अहवाल प्राप्त झाले. यापैकी ५०३ जणांचे अहवाल पॉझिटिव्ह असून, उर्वरित २,४०० अहवाल निगेटिव्ह आले आहेत. गुरुवारी १८ जणांच्या मृत्यूची नोंद झाली. यामध्ये कडोशी, ता. बाळापूर येथील ५३ वर्षीय पुरुष, कोथळी खु. बार्शिटाकळी येथील ६७ वर्षीय पुरुष, राजपूतपुरा येथील ५७ वर्षीय पुरुष, काळेगाव ता. अकोला येथील ७६ वर्षीय पुरुष, अकोट येथील ६६ वर्षीय महिला, जुने शहर भागातील ६५ वर्षीय पुरुष, खदान येथील ३० वर्षीय पुरुष, पातूर येथील ६५ वर्षीय महिला, तापडियानगर येथील ८० वर्षीय पुरुष, बार्शिटाकळी येथील ५५ वर्षीय महिला, अकोट येथील ५५ वर्षीय महिला, तारफैल येथील ७२ वर्षीय पुरुष, खिरपूर ता. बाळापूर येथील ६९ वर्षीय पुरुष, उमरी येथील ७६ वर्षीय महिला, पातूर येथील ७२ वर्षीय पुरुष, अकोट स्टॅण्ड अकोला येथील ५५ वर्षीय महिला, गोविंदनगर, अकोला येथील ६७ वर्षीय महिला व राऊतवाडी, अकोला येथील ७३ वर्षीय महिला रुग्णाचा समावेश आहे.
तालुकानिहाय रुग्णसंख्या
मूर्तिजापूर- ९१ , अकोट- १२६, बाळापूर-३१, तेल्हारा-६०, बार्शिटाकळी-३५, पातूर-११, अकोला-१४९. (अकोला ग्रामीण-३६, अकोला मनपा क्षेत्र-११३)
५४६ जणांना डिस्चार्ज
शासकीय वैद्यकीय महाविद्यालयातून ११, आयुर्वेदिक महाविद्यालय येथील तीन, खासगी रुग्णालयातील ६२ आणि होम आयसोलेशनमधील ४६५ अशा एकूण ५४६ जणांना डिस्चार्ज देण्यात आला.
६,६५२ ॲक्टिव्ह रुग्ण
जिल्ह्यात आतापर्यंत एकूण ५२,३१९ जणांना कोरोनाची लागण झाली असून, त्यापैकी तब्बल ४४,६९१ रुग्णांनी कोरोनावर मात केल्याने, त्यांना डिस्चार्ज देण्यात आला आहे. आतापर्यंत ९७६ जणांचा मृत्यू झाला असून, सद्य:स्थितीत ६,६५२ ॲक्टिव्ह रुग्ण आहेत.