लोकमत न्यूज नेटवर्कअकोला : भरधाव टॅँकरने दुचाकीस धडक दिल्याने एक जण गंभीर जखमी झाल्याची घटना १५ डिसेंबर रोजी सायंकाळी भौरद फाट्याजवळ घडली. माजी आमदार नारायणराव गव्हाणकर यांचे बंधू वसंतराव गव्हाणकर हे दुचाकी एमएच ३0 एके ४0 ने निमकर्दाकडे जात होते. त्यांच्या दुचाकीला समोरून येत असलेल्या एमएच २२ एन ११५५ ने जबर धडक दिली. यामध्ये वसंतराव गव्हाणकर हे गंभीर जखमी झाले. त्यांना तातडीने सवरेपचार रुग्णालयात दाखल करण्यात आले. यावेळी भारिप-बमसंचे कार्यकर्ते पराग गवई, अमित तेलगोटे यांच्यासह युवकांनी मदत केली. घटनेची माहिती मिळताच माजी आमदार नारायणराव गव्हाणकर यांनी सवरेपचार रुग्णालयात भेट दिली.
अकोला : भौरद फाट्याजवळ टँकरची दुचाकीस धडक; एक गंभीर
By लोकमत न्यूज नेटवर्क | Updated: December 16, 2017 01:18 IST