अकोला येथे ३५ लाखांचा खतसाठा जप्त

भरारी पथकाच्या सूचनेवरून अकोला कृषी विभागाची कारवाई.

अकोला : शहरापासून नजीकच असलेल्या, आपातापा मार्गावरील एका गोदामातून, शनिवारी रासायनिक (सिंगल सुपर फॉस्फेट व डीएपी) खतांच्या आठ हजार गोण्या जप्त करण्यात आल्या. जप्त करण्यात आलेल्या खताची किंमत ३४ लाख ४४ हजार रुपये एवढी आहे. एका कंपनीच्या गतवर्षीची उत्पादन दिनांक असलेल्या गोण्यांमधील खते, दुसर्‍या कंपनीच्या ताजी उत्पादन दिनांक असलेल्या गोण्यांमध्ये भरण्याचे बेकायदेशीर काम येथे केले जात होते. भरारी पथकाच्या सूचनेवरू न कृषी विभागाच्या वरिष्ठ अधिकार्‍यांनी ही कारवाई केली. आपातापा मार्गावरील शंकरनगरला लागून साईबाबा वेअर हाऊसिंगचे १६ हजार चौरस फूट क्षेत्रावर गोदाम आहे. त्या गोदामातच खतांचा साठा ठेवलेला होता. गुजरात राज्यातील नंदेसरी येथील लिबर्टी फॉस्फेट लिमिटेड कंपनीच्या, ग्रो मोअर डबल हॉर्स या ह्यबॅ्रन्ड नेमह्णने विकल्या जाणार्‍या एसएसपी खताचा तो साठा होता. सदर कंपनीने ते खत सप्टेबर २0१३ मध्ये गोण्यांमध्ये भरले होते. सदर खत गुजरातमधीलच कोरोमंडल इंटरनॅशनल लिमिटेड कंपनीच्या जून २0१४ ही उत्पादन दिनांक घातलेल्या गोण्यांमध्ये भरले जात होते. तिथेच गुजरातमधीलच सरदार ह्यबॅ्रन्डह्णचे डीएपी खतही आढळून आले. तेदेखील एका गोणीतून दुसर्‍या गोणीत भरण्यात येत होते. कृषी विभागाच्या भरारी पथकाला सदर गोदामात खताचा अवैध साठा असल्याची सूचना मिळताच, जिल्हा कृषी अधीक्षक कृषी अधिकारी प्रमोद लहाळे, जिल्हा परिषदेचे जिल्हा कृषी विकास अधिकारी उदय काथोडे, जिल्हा गुण नियंत्रण अधिकारी गिरीश नानोटी, भरारी पथकाचे पंचायत समिती कृषी अधिकारी गोपाल बोंडे, तालुका कृषी अधिकारी के. आर. चौधरी आदी अधिकार्‍यांचा समावेश असलेल्या पथकाने गोदामावर छापा घातला.