शहरं
Join us  
Trending Stories
1
८० वर्षांपूर्वी उत्खननात सापडलेले शिवमंदिर; आता पुन्हा धराली दुर्घटनेत जमिनीखाली गाडले गेले
2
एकनाथ शिंदे-उद्धव ठाकरेंची एकाचवेळी दिल्लीवारी; टायमिंगची चर्चा, नवे समीकरण दिसणार?
3
वडिलांना सांगितलं कॉल सेंटरमध्ये नोकरी मिळाली; रोज ८-१० ग्राहकांना खूष...
4
देशातील विमानतळांवर दहशतवादी हल्ल्याचा धोका; बीसीएएसकडून सुरक्षा वाढवण्याच्या सूचना
5
Photo : डोळ्यांदेखत अख्खं गाव वाहून गेलं, क्षणार्धात होत्याचं नव्हतं झालं; उत्तरकाशीत दिसलं निसर्गाचं रौद्र रूप
6
Afghanistan Squad For Asia Cup 2025 : संघ ठरला! गिलच्या नेतृत्वाखाली खेळणारा पठ्ठ्या झाला कॅप्टन
7
३५ हजारात गोरेगाव इथं १ बीएचके भाड्याने घ्यायला गेला; ब्रोकरने सांगितलेला दर ऐकून 'तो' थक्क झाला
8
ते शिट्ट्या वाजवून मजा घेत होते का? उत्तरकाशीच्या धरालीमधील ढगफुटीवेळच्या व्हिडीओवर अनेक प्रश्न...
9
IND vs ENG: इंग्लंडविरूद्ध कसोटी विजयानंतर WTC मध्ये टीम इंडिया कितव्या नंबरवर? जाणून घ्या
10
'महादेवी' परतणार! नांदणी मठाजवळच हत्तीणीसाठी पुनर्वसन केंद्र उभारण्यास 'वनतारा' मदत करणार
11
लक्ष्मीकांत बेर्डेंनी का नाकारला 'नवरा माझा नवसाचा' सिनेमा?, सचिन पिळगावकर म्हणाले...
12
NSDL IPO Listing: पहिल्याच दिवशी ९०० पार गेला NSDL चा शेअर; IPO झालेला ४१ पट सबस्क्राईब
13
Video: चीन आता 'लांडग्याला' युद्धावर पाठविणार, मिनिटाला ६० गोळ्या झाडणारा रोबो; सैन्यासोबत सरावाचा व्हिडीओ... 
14
टी-२० अन् वनडेत फर्स्ट क्लास; पण टेस्टमध्ये ATKT; असं आहे हेडमास्टर गंभीरचं 'प्रगती पुस्तक'
15
IPLमधील या क्रिकेटपटूने ॲडल्ट साईटवर केली एंट्री, क्रिकेटप्रेमी अवाक्, आपल्या निर्णयाबाबत म्हणाला...
16
कशी सुरु झाली मृणाल ठाकूर अन् धनुषची लव्हस्टोरी?, 'तो' सेल्फी पुन्हा होतोय व्हायरल
17
एकदा करून बघाच! वजन कमी होईल अन् केस गळणंही थांबेल... इवल्याशा वेलचीचे मोठे फायदे
18
रेल्वे कंत्राटावरून वाद, ३ मराठी भावंडांवर परप्रांतीयांचा प्राणघातक हल्ला; रॉडने डोके फोडले अन् रचला बनाव
19
तुमचा iPhone धोक्यात? ॲपल युजर्ससाठी भारत सरकारचा 'रेड अलर्ट', लगेच 'हे' काम करा!
20
रक्षाबंधन २०२५: गजलक्ष्मी योगात श्रावण पौर्णिमा; लक्ष्मीकृपेने 'या' राशींच्या आनंदाला येणार भरती

अकोला : नदीकाठच्या तीन किलोमीटर अंतराची होणार साफसफाई!

By लोकमत न्यूज नेटवर्क | Updated: January 10, 2018 01:48 IST

अकोला : प्रदूषित झालेली मोर्णा नदी लोकसहभागातून स्वच्छ करण्याचा श्रीगणेशा येत्या १३ जानेवारी केला जाणार आहे. स्वच्छता मोहिमेदरम्यान नदीकाठी सुमारे तीन किलोमीटर अंतरापर्यंत साफसफाई केली जाणार असून, या मोहिमेत सर्व अकोलेकरांनी मोठय़ा संख्येने सहभागी होण्याचे आवाहन महापौर विजय अग्रवाल, जिल्हाधिकारी आस्तिककुमार पाण्डेय तथा महापालिका आयुक्त जितेंद्र वाघ यांनी मंगळवारी केले. जिल्हा नियोजन भवनमध्ये आयोजित बैठकीत मोर्णा नदीची साफसफाई व त्याच्या नियोजनाच्या मुद्यावर अकोलेकरांसोबत सविस्तर चर्चा करण्यात आली. 

ठळक मुद्देमहापौर, जिल्हाधिकारी, मनपा आयुक्तांची अकोलेकरांसोबत बैठक

लोकमत न्यूज नेटवर्कअकोला : प्रदूषित झालेली मोर्णा नदी लोकसहभागातून स्वच्छ करण्याचा श्रीगणेशा येत्या १३ जानेवारी केला जाणार आहे. स्वच्छता मोहिमेदरम्यान नदीकाठी सुमारे तीन किलोमीटर अंतरापर्यंत साफसफाई केली जाणार असून, या मोहिमेत सर्व अकोलेकरांनी मोठय़ा संख्येने सहभागी होण्याचे आवाहन महापौर विजय अग्रवाल, जिल्हाधिकारी आस्तिककुमार पाण्डेय तथा महापालिका आयुक्त जितेंद्र वाघ यांनी मंगळवारी केले. जिल्हा नियोजन भवनमध्ये आयोजित बैठकीत मोर्णा नदीची साफसफाई व त्याच्या नियोजनाच्या मुद्यावर अकोलेकरांसोबत सविस्तर चर्चा करण्यात आली. शहराच्या मध्यभागातून वाहणार्‍या मोर्णा नदीची दुर्दशा झाली आहे. शहरातील घाण सांडपाण्याचा निचरा करण्यासाठी मोर्णा नदीचा वापर केला जात असल्याचे दुर्दैवी चित्र आहे. नदी पात्रात वाढलेली जलकुंभी, डासांची पैदास व दुर्गंधीमुळे नदीकाठच्या रहिवाशांच्या जीविताला धोका निर्माण झाला आहे. त्यामुळे लोकसहभागातून मोर्णा नदीचे पात्र व नदीकाठचा परिसर स्वच्छ करण्यासाठी जिल्हाधिकारी आस्तिककुमार पाण्डेय यांनी पुढाकार घेतला आहे. येत्या १३ जानेवारीपासून मोर्णा नदीच्या स्वच्छता मोहिमेला प्रारंभ होणार आहे. त्या पृष्ठभूमीवर मंगळवारी नियोजन भवनमध्ये नदीच्या स्वच्छतेसाठी करण्यात आलेले नियोजन व इतर मुद्यांवर चर्चा करण्यासाठी जिल्हा व महापालिकेच्या प्रशासकीय यंत्रणांचे प्रमुख अधिकारी, सर्वपक्षीय नगरसेवक, सेवाभावी संस्थांचे अध्यक्ष, पदाधिकारी व विविध कर्मचारी संघटनेचे पदाधिकारी, महाविद्यालयाचे प्राचार्य यांसह स्वयंसेवी संस्थांचे पदाधिकारी मोठय़ा संख्येने उपस्थित होते. यावेळी व्यासपीठावर महापौर विजय अग्रवाल, जिल्हाधिकारी आस्तिककुमार पाण्डेय, महापालिका आयुक्त जितेंद्र वाघ, स्थायी समिती सभापती बाळ टाले, अखिल भारतीय मराठी पत्रकार परिषदेचे अध्यक्ष सिद्धार्थ शर्मा, माजी महापौर सुमनताई गावंडे, नगरसेवक हरीश आलिमचंदानी, उपविभागीय अधिकारी प्रा. संजय खडसे, शिक्षणाधिकारी प्रकाश मुकुंद, प्रभात किड्सचे संचालक गजानन नारे, डॉ. पुरुषोत्तम तायडे, डॉ. राजेंद्र सोनोने, शत्रुघ्न बिरकड आदी उपस्थित होते. 

१४ पथकांचे केले गठन१३ जानेवारी रोजी सकाळी ८ वाजता मोर्णा नदीच्या साफसफाईला सिटी कोतवाली चौक ते हिंगणा फाटा परिसरापर्यंत सुरुवात केली जाईल. एकाच ठिकाणी नागरिकांची गर्दी होऊन कामकाजात व्यत्यय येणार नाही, यासाठी १४ पथकांचे गठन करण्यात आल्याची माहिती मोहिमेचे प्रमुख उपविभागीय अधिकारी प्रा. संजय खडसे यांनी दिली. प्रत्येक पथकात मनपाचे झोन अधिकारी, मंडळ अधिकारी, तहसीलदार यांच्या देखरेखीखाली सामाजिक संस्थांचे पदाधिकारी, कार्यकर्ते व नागरिकांचा समावेश राहील. नदीकाठी तीन किलोमीटर पर्यंतच्या परिसरात काठावर जाण्यासाठी मातीचे भराव टाकण्यात आले आहेत. नदीपात्रात उतरून जलकुंभी काढण्यासाठी अनुभवी ६0 कामगारांची मदत घेण्यात आली आहे. नागरिकांना नदीपात्रात उतरण्याची गरज नसून, केवळ काठावर जमा झालेली जलकुंभी, गाळ व कचरा उचलून मनपाच्या वाहनांमध्ये टाकावा लागेल, अशी माहिती प्रा. संजय खडसे यांनी दिली. मोहिमेत सहभागी होणार्‍या नागरिकांच्या सुरक्षेसाठी गमबूट, हातमोजे, चेहर्‍याला मास्क आदी साहित्य उपलब्ध करून दिले जाणार असल्याचे प्रा. खडसे यांनी सांगितले. 

सर्पमित्र, नैसर्गिक आपत्ती निवारण पथक ाची मदतनदीकाठावर मोठय़ा प्रमाणात झाडेझुडपे आहेत. काठावर तसेच नदीपात्रात साप असण्याची शक्यता गृहीत धरून त्या ठिकाणी सर्पमित्रांना तैनात केले जाणार आहे. याव्यतिरिक्त नैसर्गिक आपत्ती निवारण पथकांचीही मदत घेतली जाणार आहे. या ठिकाणी वैद्यकीय आरोग्य यंत्रणा, पिण्यासाठी पाणी व नागरिकांच्या गर्दीवर नियंत्रण मिळवण्यासाठी पोलीस प्रशासनाची मदत घेण्यात आल्याची माहिती प्रा. संजय खडसे यांनी दिली. 

मोहिमेत सहभागी होण्याचे आवाहनशहराच्या मध्यभागातून वाहणार्‍या मोर्णा नदीच्या साफसफाईसाठी जिल्हाधिकार्‍यांनी घेतलेला पुढाकार कौतुकास्पद असल्याचे या मोहिमेत सहभागी होण्याचे आवाहन महापौर विजय अग्रवाल यांनी केले. अकोलेकरांनी या मोहिमेत योगदान देऊन शहर स्वच्छतेसाठी समोर येण्याचे आवाहन जिल्हाधिकारी आस्तिककुमार पाण्डेय, मनपा आयुक्त जितेंद्र वाघ यांनी यावेळी केले. 

टॅग्स :Akola cityअकोला शहरriverनदीcollectorतहसीलदार