लोकमत न्यूज नेटवर्कअकोला: रायली जीन परिसरातील दगडी पुलानजीक एका ६५ वर्षीय महिलेचा जळालेल्या अवस्थेत मृतदेह आढळल्याची घटना सोमवारी उघडकीस आली. या महिलेच्या मृतदेहावरून संशय निर्माण करण्यात येत असून, रामदास पेठ पोलिसांनी आत्महत्या की हत्या, या दोन्ही दिशेने तपास सुरू केला आहे.दगडी पुलानजीक एका महिलेचा जळालेल्या अवस्थेत मृतदेह पडलेला असल्याची माहिती रामदास पेठ पोलिसांना मिळाली, पोलिसांनी घटनास्थळावर धाव घेऊन मृतदेह ताब्यात घेतला. त्यानंतर पंचनामा करून मृतदेह उत्तरीय तपासणीसाठी सवरेपचार रुग्णालयात पाठविला. जळालेल्या महिलेचे वय ६५ वर्षांच्या वर असल्याची माहिती पोलिसांनी दिली. सदर महिला उभी असताना जळाली असल्याचेही पोलिसांनी सांगितले असून, यामध्ये सध्यातरी घातपात नसल्याची माहिती आहे. सदर गंभीर प्रकरणाचा सखोल तपास केल्यानंतर तसेच उत्तरीय तपासणीचा अहवाल आल्यानंतरच आत्महत्या की हत्या, हे स्पष्ट होणार आहे.
जळालेल्या अवस्थेत आढळलेल्या महिलेचे वय ६५ वर्षांच्या वर असून, तोंडात केवळ दोनच दात आहेत. प्राथमिक चौकशीत घातपाताचा संशय येत नसून, आत्महत्या असल्याचे दिसून येत आहे. मात्र, तरीही पोलिसांकडून चारही दिशेने तपास करण्यात येत आहे. लवकरच या प्रकरणाचा उलगडा होणार आहे.- शैलेष सपकाळठाणेदार, रामदास पेठ पोलीस स्टेशन