अल्पवयीन मुलीचे अपहरण करुन लैंगिक शोषण करणारे  ६ आरोपी गजाआड

Crime News : एका गावातील १६ वर्षीय मुलीचे अपहरण करुन लैंगिक शोषण केल्या प्रकरणी ६ जणांना माना पोलिसांनी अटक केली आहे.

मूर्तिजापूर : तालुक्यातील माना पोलीस स्टेशन अंतर्गत असलेल्या एका गावातील १६ वर्षीय मुलीचे अपहरण करुन लैंगिक शोषण केल्या प्रकरणी ६ जणांना माना पोलिसांनी अटक केली आहे. पैकी ५ आरोपींची न्यायालयीन कोठडीत रवानगी करण्यात आली. तर मुख्य आरोपी गजानन तायडे याला ३१ मे पर्यंत पोलीस कोठडीत ठेवण्याचे आदेश स्थानिक न्यायालयाने दिले आहेत. 

             गजानन उर्फ गोलू बाळू तायडे (२१ राहणार ऐंडली) ता. मूर्तिजापूर याने आपल्या मुलीचे अपहरण केल्याची तक्रार ११ जानेवारी रोजी तिच्या पालकांनी माना पोलीस स्टेशन येथे दाखल केली होती त्या पुर्वीच आरोपीपासून गजानन बाळू तायडे हा अल्पवयीन मुलीला घेऊन पसार झाला होता, प्रथम दर्शनी तो मुंबईत असल्याची माहिती पोलिसांना मिळाली होती, अकोला सायबर गुन्हे शाखेच्या मदतीने आरोपीची झारखंड मध्ये सुध्दा शोधाशोध सुरुच होती या कामी जिल्हा पोलीस अधीक्षक जी श्रीधर, अप्पर पोलीस अधीक्षक मोनीका राऊत व उपविभागीय पोलिस अधिकारी संतोष राऊत यांच्या मार्गदर्शनाखाली ठाणेदार कैलास भगत यांनी एक पथक तयार करुन आरोपीला पीडितेसह कर्नाटक राज्यातून ताब्यात घेऊन तेथील तुरुवेकेरे येथील स्थानिक न्यायालयात हजर करुन ट्रान्झिट रिमांड घेऊन माना येथे आणण्यात आले. गजानन तायडे याला गुन्ह्यात मदत करणारे आरोपी योगेश विठ्ठलराव वानखडे (रा. आमला ता. दर्यापूर), सीमा संजय भालेराव (३५ रा.ऐंडली ह. मु. अमरावती), मिलींद देविदास खडसे (भागेरथी कॉम्प्लेक्स बदलापूर पश्चिम ठाणे), कैलास शंकर तायडे (वार्ड क्र. २ अमरावती) अमोल शंकरराव चव्हाण (रा. बिलोना ता. अचलपुर) यांना अटक करण्यात आली असून त्यांची न्यायलयीन कोठडीत रवानगी करण्यात आली आहे. आरोपींविरुद्ध कलम ३६३, ३६६, ३७६, १०९, २१२ व बालकांचे लैंगिक अत्याचार प्रतिबंधक कायद्यान्वये गुन्हा दाखल करण्यात आला आहे. ही कारवाई ठाणेदार कैलास भगत याच्या मार्गदर्शनाखाली पोलीस उपनिरीक्षक घनश्याम पाटील, पोलीस शिपाई जयकुमार मंडावरे, आकाश काळे, वनीता चव्हाण यांनी पार पाडली.