संगमनेर शहर परिसरातील शान कार शोरूम फोडून एक लाख वीस हजार रुपयांची रोकड लंपास करणाऱ्या चोरट्यांना पोलिसांनी बेड्या ठोकल्या आहेत. याप्रकरणी तीन आरोपींना सिन्नर (नाशिक) येथून अटक करण्यात आली असून दुचाकी, ७ मोबाइल, रोख रकमेसह एक लाख ८० हजार रुपयांचा मुद्देमाल जप्त करण्यात आला आहे.
अज्ञात चोरट्यांनी संगमनेर शहराचे नजीक असलेल्या शान कार शोरूमचे रात्री काचेच्या दरवाजाचे लॉक उघडून १ लाख २० हजार रुपयांची रोख रक्कम लंपास केली असल्याचा गुन्हा दाखल आहे. विजय सुदाम कातोरे (२०), सोमनाथ निवृत्ती मेंगाळ (२१), विजय सखाराम गिर्हे (२०, सर्व रा. शिवडे, ता. सिन्नर, जि. नाशिक) या तिघांना ताब्यात घेतले असता त्यांची कसून चौकशी केली असता
संगमनेर येथील शान कार, ह्युंदाई शोरूम व अकोले येथील मोबाइल शॉपी फोडल्याची कबुली दिली आहे. अधिक तपास पोलीस निरीक्षक मुकुंद देशमुख यांच्या मार्गदर्शनाखाली पोलीस उपनिरीक्षक निकिता महाले करीत आहेत.