वैद्यकीय क्षेत्रातील रोजगारासाठी प्रशिक्षण

कोविडचा वाढता प्रादुर्भाव लक्षात घेता, वैद्यकीय क्षेत्रामध्ये प्रशिक्षित व कुशल मनुष्यबळाची कमतरता जाणवत आहे. ही बाब लक्षात घेऊन महाराष्ट्र शासनाच्या कौशल्य विकास रोजगार व उद्योजकता विभागाने मुख्यमंत्री महाआरोग्य कौशल्य विकास प्रशिक्षण कार्यक्रम योजनेची घोषणा केलेली आहे. या प्रशिक्षण कार्यक्रमांतर्गत ॲम्ब्युलन्स ड्रायव्हर, असिस्टंट डयुटी मॅनेजर-पेशंट रिलेशन सर्व्हिसेस, सेंट्रल स्टेराईल सर्व्हिस डिपार्टमेंट असिस्टंट, ड्रेसर (मेडिकल), ड्‌युटी मॅनेजर (पेशंट रिलेशन सर्व्हिसेस), एल्डर्ली केअरटेकर (नॉन-क्लिनिकल), इमर्जन्सी मेडिकल टेक्निशियन - बेसिक, हेल्थकेअर क्वालिटी ॲश्युरंस मॅनेजर, हॉस्पिटल फ्रंट डेस्क को-ऑर्डिनेटर, मेडिकल रेकॉर्ड ॲण्ड हेल्थ इन्फॉर्मेशन टेक्निशियन, मेडिकल रेकॉर्ड असिस्टंट, पेशंट रिलेशन असोसिएट, फ्लेबोटोमिस्ट, प्रधानमंत्री आरोग्य मित्र, सॅनेटरी हेल्थ एड, जनरल ड्‌युटी असिस्टंट इत्यादी कोर्सेसचे प्रशिक्षण देण्याचे नियोजन केले आहे. या प्रशिक्षणासाठी प्रशिक्षणार्थींना कोणतेही प्रशिक्षण शुल्क आकारण्यात येणार नाही. या कोर्सेसकरिता वयोमर्यादा १८ ते ४५ इतकी आहे. हे प्रशिक्षण घेऊ इच्छिणाऱ्या उमेदवारांनी शैक्षणिक पात्रता व अधिक माहितीसाठी ऑनलाईन अर्ज भरून पाठवावा.