श्रीगोंदा (जि. अहमदनगर) : भरधाव वेगाने जाणाऱ्या टेम्पोने उसाच्या दोन बैलगाड्यांना पाठीमागून जोराची धडक दिली. या अपघातात चार ऊस तोडणी मजूर व तीन बैल गंभीर जखमी झाले आहेत. ही घटना नगर-दौंड रोडवरील ढोकराई फाट्याजवळ मंगळवारी पहाटे घडली.
या अपघातात रामदास गोरख महाजन, मनिषा रामदास महाजन, बाबासाहेब नागरगोजे, सुनिता नागरगोजे (रा. खिळद, ता.आष्टी, जि. बीड) व त्यांचे तीन बैल जखमी झाले आहेत. जखमींवर दौंड येथील रुग्णालयात उपचारासाठी दाखल करण्यात आले आहे. बैलगाड्यांची मोडतोड झाली आहे.
नागवडे साखर कारखान्यावर बैलगाडी ऊस भरण्यासाठी काष्टीकडे पहाटे जात होत्या. यावेळी पाठीमागून आलेल्या टेम्पोने ( क्रमांक एम. एच.-१२, एफ.झेड.५७३६) बैलगाड्यांना जोराची धडक दिली. टेम्पो चालक भास्कर जगन्नाथ ठाकरे (रा.साक्री, जि. धुळे) याच्या विरोधात गुन्हा दाखल केला आहे.
फोटो आहे