नेवासा शहरातील साईनाथनगर भागात राहणारा बर्डे याच्या पश्चात आई-वडील, भाऊ व दोन मुले असा असा परिवार आहे. बर्डे हा गरीब कुटुंबातील असून, रोजंदारीवर उदरनिर्वाह करीत होता. मात्र, कोरोना संकटात लागलेल्या लॉकडाऊनमुळे त्याच्यावर बेकारीची कुऱ्हाड कोसळली होती. अखेर नैराश्यातून त्याने गुरुवारी दौंड-मनमाड रेल्वे मार्गावर पढेगाव स्थानकाजवळ रेल्वेखाली आत्महत्या केली. घटनास्थळी पोलीस निरीक्षक संजय सानप यांनी भेट दिली. यानंतर मृतदेहाचा पंचनामा करण्यात आला.
दरम्यान, मागील आठवड्यात श्रीरामपूरजवळ गोंधवणी रोड परिसरात बांधकाम मजूर राजेंद्र रावसाहेब शेळके (वय ३९) याने राहत्या घरात दोरीच्या साहाय्याने गळफास घेऊन आत्महत्या केल्याची घटना उघडकीस आली होती. याप्रकरणी येथील शहर पोलीस ठाण्यात अकस्मात मृत्यूची नोंद करण्यात आली आहे. शेळके रोजगार बुडाल्याने आर्थिक विवंचनेत होता.