अण्णा नवथर ,अहमदनगरलोकमत न्यूज नेटवर्कअहमदनगर: नगर शहरात मतदानाला चांगला प्रतिसाद मिळत आहे. सोमवारी सकाळी आठ वाजल्यापासूनच मतदान केंद्रांवर मतदारांच्या रांगा लागलेल्या आहेत. मतदार स्वतःहून मतदान स येऊन मतदान करत आहेत.
अहमदनगर लोकसभा मतदार संघामध्ये आज सकाळपासूनच मतदानाला सुरुवात झाली आहे नगर शहरातील सावेडी उपनगरामध्ये असलेल्या मतदान केंद्रांवर सकाळी साडेसात वाजल्यापासूनच मतदारांनी हजेरी लावत मतदान केले. नगर शहरातील मतदान केंद्रांवर कडेकोट बंदोबस्त तैनात करण्यात आलेला आहे सावेडी शहरातील मतदान केंद्रांवर महिलांसह पुरुष यांची रांगा लागलेल्या पाहायला मिळत आहेत. शांततेत मतदानाला सुरुवात झाली आहे. नगर शहरातील नगरसेवक तसेच दोन्ही बाजूचे कार्यकर्ते मतदान केंद्राच्या बाहेर उपस्थित आहेत सकाळच्या सत्रात मतदान करणाऱ्यांमध्ये महिलांची संख्या मोठी आहे. सध्या उन्हाळ्याचे दिवस आहेत दुपारनंतर ऊन होईल, या भीतीने अनेकजण सकाळीच मतदान करत आहेत.