घारगाव : संगमनेर तालुक्यातील नाशिक-पुणे महामार्गावर आंबी खालसा फाटा येथे ट्रक चालकाला गतिरोधकाचा अंदाज न आल्याने चालकाचा ट्रकवरील ताबा सुटल्याने झालेल्या अपघातात चार वाहनांचे नुकसान झाले. सुदैवाने कुठलीही जीवितहानी झाली नाही. हा अपघात रविवारी सकाळी आठ वाजण्याच्या सुमारास झाला.नाशिकहून पुण्याकडे जाणारा ट्रक (जी.जे.-०७, वाय.झेड.- १७३८) घेवून निघालेल्या चालकाला गतिरोधकाचा अंदाज न आल्याने ट्रक गतिरोधकावर आदळून पुढे चाललेल्या ट्रकला (क्रमांक जी. जे. ०५, बी.के.७७३१) पाठीमागून धडकला. त्याचवेळी पुढे चाललेल्या कारला (एम.एच.-१७, बी.एस.-०६८९) मागून धडक बसल्याने कार फिरून महामार्गाच्या लगत असलेल्या मालवाहू जीपला (जी.जे.०६, ए.झेड.- ९०३७) धडकली. जीप उपरस्त्यावर जाऊन पलटी झाली.
नाशिक-पुणे महामार्गावर गतिरोधकामुळे चार वाहनांचा अपघात
By लोकमत न्यूज नेटवर्क | Updated: December 15, 2019 16:49 IST