पुणतांबा - पुणतांबा येथे रेल्वे फटकाजवळ झालेल्या विचित्र अपघातात ५ जण जखमी झाल्याची घटना समोर आली आहे. बुधवारी (22 मे) सकाळी साडेदहा वाजेच्या सुमारास रेल्वे फाटकाजवळ हा अपघात झाला आहे. जखमींवर पुणतांबा ग्रामीण रुग्णालयात उपचार सुरू आहेत.
अपघातात बोलेरो पलटी झाली, यामुळे जवळ उभ्या असलेल्या रिक्षा व दुचाकीला धडक दिली. रिक्षातील तुळशीदास नांदगावकर (64), श्रीधर बागडे (48) ,श्रेया हिवरकर (13)नागपूर, दुचाकीवरील बबई लांडे, शिवाजी पवार (33) हे सर्व जखमी असून यांच्यावर पुणतांबा येथे उपचार सुरू आहेत.
जखमींपैकी श्रीधर बागडे यांच्या पायाचे हाड मोडल्याने त्यांना शिर्डी येथे उपचारासाठी पाठवले आहे. जखमींना मदत करण्यासाठी म्हणून प्रशांत सूर्यवंशी, सुरेश थोरात, अशोक धनवटे हे धावून आले. रिक्षातील सर्व प्रवासी हे गोदातीरी असलेल्या महानुभाव मंदिरात दर्शनासाठी आले होते, तर दुचाकीवरील दोघे उपचारासाठी जाताना हा अपघात झाल्याची माहिती मिळत आहे.