अहमदनगर - देशाचे पंतप्रधान नरेंद्र मोदी हे भारताला महासत्ता बनविण्यासाठी प्रयत्न करत आहेत मात्र त्यांना पाठविण्यासाठी देशातील अलीबाबा आणि चाळीस चोर हे एकत्र येत आहेत अशी घणाघाती टीका राज्याचे उपमुख्यमंत्री देवेंद्र फडणवीस यांनी अहमदनगर येथील पदाधिकारी मेळाव्यात केली.
अहमदनगर येथील एका मंगल कार्यालयात शुक्रवारी दुपारी भाजपचा पदाधिकारी संवाद मेळावा झाला त्यावेळी ते बोलत होते. यावेळी राज्याचे महसूल मंत्री राधाकृष्ण विखे पाटील खासदार डॉक्टर सुजय विखे माजी मंत्री राम शिंदे आदी उपस्थित होते. देवेंद्र फडणवीस पुढे म्हणाले की, हे चाळीस चोर कितीही एकत्रित आले, तरीही मोदीजींना हटवू शकत नाहीत. त्यांनी 2019 मध्ये देखील यांनी प्रयत्न करून पाहिला होता पण त्याचा काहीच उपयोग झाला नाही कारण त्यांच्याकडे एकही राष्ट्रीय नेता नाही. ममता बॅनर्जीची सभा जर अहमदनगर मध्ये ठेवली कोण येणार आहे. शरद पवारांची सभा मणिपूरला ठेवली तर तिकडे कोण जाणार, असा प्रश्न उपस्थित करत त्यांनी राज्यातील महाविकास आघाडीच्या नेत्यांवरही तोफ डागली. त्यांच्या कार्यक्रमांमध्ये कोणाला कोणत्या खुर्चीवर बसायचे पासून सुरुवात आहे राज्यातील हे नेते कधीही एकत्र येऊ शकत नाही एकत्रित त्यांना फक्त एकच काम जमतं ते म्हणजे महा वसुली अशी काही फडणवीस यांनी यावेळी केली.