नगरमधील प्रसिद्ध उद्योजक करीमभाई हुंडेकरी यांचे अपहरण

नगर शहरातील प्रसिद्ध उद्योजक करीमभाई हुंडेकरी यांचे पिस्तुलाचा  धाक दाखवून सोमवारी सकाळी कोठला परिसरातून सिनेस्टाईलने अपहरण करण्यात आले.   

अहमदनगर: नगर शहरातील प्रसिद्ध उद्योजक करीमभाई हुंडेकरी यांचे पिस्तुलाचा  धाक दाखवून सोमवारी सकाळी कोठला परिसरातून सिनेस्टाईलने अपहरण करण्यात आले.        हुंडेकरी हे नेहमीप्रमाणे सोमवारी सकाळी घराबाहेर पडले होते. तेव्हा चार जणांनी पिस्तुलाचा धाक दाखवून लाल रंगाच्या कारमधून त्यांना पळून नेले. या घटनेने शहरात प्रचंड खळबळ उडाली आहे. हुंडेकरी यांचे सराईत गुन्हेगारांनी अपहरण केल्याचा पोलिसांचा संशय आहे. हे घटना समजल्यानंतर स्थानिक गुन्हे शाखेचे सह इतर पोलीस अधिकारी व कर्मचारी यांनी विविध ठिकाणी हुंडेकरी यांच्या शोधासाठी पथके रवाना केले आहेत.हुंडेकरी यांचे अपहरण करणा-या गुंडांनी चेहºयाला मास्क बांधलेले होते. ही घटना कोठला परिसरातील एका महिलेने पाहिली. गुंडांच्या तावडीतून हुंडेकर यांनी स्वत:ला सोडविण्याचा प्रयत्न केला, मात्र त्यात त्यांना यश आले नाही.