कोपरगाव : कोपरगाव तालुक्यात यंदाच्या खरीप हंगामात सोयाबीनच्या व बाजरीच्या बोगस बियाणामुळे शेतक-यांना दुबार पेरणीच्या संकटाचा सामना करावा लागला.
तालुक्यात यंदाच्या खरिपात जून, जुलै महिन्यात सोयाबीन व बाजरीच्या बोगस बियाण्यासंदर्भात ३११ शेतकºयांनी कोपरगाव तालुका कृषी विभागाकडे तक्रारी केल्या होत्या. कृषी विभागाच्या अधिका-यांनी प्रत्यक्षात तक्रारदार शेतक-यांच्या शेतावर जाऊन पाहणी करून पंचनामा केला. त्यानुसार १५९ शेतकºयांना बियाण्याचा मोबदला मिळाला आहे. तर उर्वरित १५२ शेतक-यांचे अहवाल प्रक्रियेत आहेत.
शेतक-यांची सोयाबीनच्या बियाण्यात फसवणूक केल्याप्रकरणी कोपरगावचे तालुका कृषी अधिकारी अशोक आढाव यांनी कंपन्याविरुध्द कोपरगाव तालुका पोलीस ठाण्यात गुन्हा दाखल केला आहे.
पेरणी केल्यानंतर सोयाबीन बियाणे उगवण न झाल्याच्या तालुक्यातील ३११ शेतकºयांच्या तक्रारी आल्या होत्या. सर्व तक्रारींची प्रत्यक्षात पाहाणी झाली आहे. १५९ शेतक-यांना बियाणे मोबदला मिळाला आहे. उर्वरित १५२ शेतकºयांचे अहवाल प्रक्रियेत आहेत, असे तालुका कृषी अधिकारी अशोक आढाव यांनी सांगितले.