व्हायरल झाला 'मिस्ट्री कपल'चा फोटा, सोशल मीडियात शोधमोहीम सुरु!

सध्या इंटरनेटवरील शेकडो यूजर्स एका 'मिस्ट्री कपल'च्या शोधात लागले आहेत. कारण फार गंभीरही नाहीये आणि सामान्यही नाहीये.

सोशल मीडियात अनेकदा वायफळ चर्चा सुरु असतात. पण काही वेळा काही गोष्टी मनाला आवडून जातात. सध्या इंटरनेटवरील शेकडो यूजर्स एका 'मिस्ट्री कपल'च्या शोधात लागले आहेत. कारण फार गंभीरही नाहीये आणि सामान्यही नाहीये. अमेरिकेतील एका फोटोग्राफरने दुरून एका कपलचा फोटो घेतला असून हा फोटो व्हायरल झाला आहे. फोटोग्राफरला हे कपल कोण आहे हेही माहीत नाहीये. त्यामुळे फोटोग्राफरला या दोघांचा शोध घेत आहे आणि त्यात सोशल मीडिया यूजर्स त्याला मदत करत आहेत. 

Twitter help, idk who these two are but I hope this finds them. I took this at Taft Point at Yosemite National Park, on October 6th, 2018. pic.twitter.com/Rdzy0QqFbY

— Matthew Dippel (@DippelMatt) October 17, 2018

महत्त्वाची बाब म्हणजे फेसबुक आणि ट्विटरवर यूजर्ज कपलचा फोटो आणि त्यांचा शोध घेण्याबाबत अपडेटही देत आहेत. अमेरिकन फोटोग्राफर मॅथ्यू डिप्पलने ६ ऑक्टोबरला कॅलिफोर्नियाच्या योसमाइट नॅशनल पार्कमध्ये हा फोटो काढला होता. 

Update #2: Still no luck. A lot of people saying they found them but doesn't turn out to be the right couple. If you honestly think you found them message me please! I can't keep scrolling through the comments to look. Thanks everyone!

— Matthew Dippel (@DippelMatt) October 19, 2018

डिप्पलने सांगितले की, 'मी टॉफ्ट पॉईंटचा खूप चांगला फोटो पाहिला होता. त्यामुळे या ठिकाणाला भेट देण्याची आणि फोटो काढण्याची खूप इच्छा होती. मी माझ्या मित्रासोबत सूर्यास्तावेळी तिथे गेलो. तेव्हा मी पाहिलं की, दूर डोंगराच्या एका टोकावर एका मुलगा ३५०० फूट उंचीवर एका मुलीला प्रपोज करतो आहे. मी दुरुन त्यांचा फोटो काढला'.

What if she said no ? 😳 pic.twitter.com/1RTm5zZDf8

— Ivan Munoz (@Magnet52) October 18, 2018

me looking through all the replies to see if anyone found them yet pic.twitter.com/hRG835N1Lw

— 🤠 j (@emmachambiex) October 18, 2018

त्याने पुढे सांगितले की, 'मला वाटले ते सुद्धा फोटोग्राफी करत आहेत. पण तिथे कुणीच नव्हतं. नंतर या कपलला शोधण्यासाठी मी त्या पॉईंटवर गेलो, पण तिथे कुणीच नव्हतं. तिथे साधारण २० लोक होते. मी त्यांनाही विचारले पण त्यांनीही फोटोतील कुणाला पाहिले नव्हते'.

मॅथ्यूने १७ ऑक्टोबरला हा फोटो सोशल मीडियावर पोस्ट केला. त्याने यूजर्सना अपील केलं की, यातील कपलला शोधण्यास मदत करा. आता यूजर्सही या कपलचा शोध घेत आहेत पण अजूनही त्यांचा शोध लागलेला नाहीये.