हरिहरेश्वर किनाऱ्याला सापडल्या दोन अनोळखी बोटी!

रायगड जिल्ह्यात श्रीवर्धन येथे हरिहरेश्वर किनारी एक अनोळखी बोट लागली असून मौजे भरडखोल किनाऱ्यावर एक लाईफबोट आढळून आली आहे.

लोकमत न्यूज नेटवर्क 

अलिबाग: रायगड जिल्ह्यात श्रीवर्धन येथे हरिहरेश्वर किनारी एक अनोळखी बोट लागली असून मौजे भरडखोल किनाऱ्यावर एक लाईफबोट आढळून आली आहे. त्यामुळे परिसरातील मच्छीमार व ग्रामस्थांमध्ये काहीकाळ खळबळ उडाली.

दोन्ही बोटीमध्ये कोणीही व्यक्ती आढळून आलेल्या नाहीत. त्यामधील वस्तू, साहित्याची तपासणी करण्यात येत आहे. या बोटीबाबत तातडीने जिल्हा प्रशासनाकडून तटरक्षक दल(कोस्ट गार्ड) व एमएमबी यांना याबाबत सूचना देण्यात आल्या आहेत. आहे. पोलिस विभागाकडून आवश्यक कार्यवाही करण्यात येत आहे. नागरिकांनी घाबरून न जाता कोणत्याही अफवेवर विश्वास ठेवू नये ,अनोळखी वस्तू व्यक्तीबाबत तातडीने पोलीस व जिल्हा प्रशासनाला कळवावे असे आवाहन  रायगडचे जिल्हाधिकारी डॉ. महेंद्र कल्याणकर यांनी केले आहे.