Pune | तीन वर्षाच्या चिमुरडीवर बलात्कार करणाऱ्या नराधमाला 21 वर्षांची शिक्षा
By ऑनलाइन लोकमत | Published: March 8, 2023 05:54 PM2023-03-08T17:54:49+5:302023-03-08T17:55:01+5:30
आरोपीला 21 वर्षे आणि 35 हजार रूपये दंडाची शिक्षा...
Pune | तीन वर्षाच्या चिमुरडीवर बलात्कार करणाऱ्या नराधमाला 21 वर्षांची शिक्षा
Next पुणे : घराबाहेर खेळत असलेल्या तीन वर्षांच्या चिमुरडीला घरात बोलावून तिच्यावर बलात्कार करणा-या नराधमाला 21 वर्षे आणि 35 हजार रूपये दंडाची शिक्षा पॉक्सो न्यायालयाच्या विशेष न्यायाधीश श्रीपदा पोंक्षे यांनी सुनावली.
सागर अरूण चव्हाण (वय 25 रा. भोसरी) असे शिक्षा झालेल्या आरोपीचे नाव आहे. याप्रकरणी पीडित मुलीच्या आईने भोसरी पोलीस स्टेशन येथे फिर्याद दाखल केली. पीडित मुलगी ही घराबाहेर खेळत होती. आरोपीने स्वत:च्या घरात कुणी नसल्याचा फायदा घेत तिच्याशी अतिप्रसंग केला. पीडित मुलगी रडत घरी आली आणि तिने सर्व प्रकार आईला सांगितला. एखाद्या 18 वर्षांखालील मुलीशी जबरदस्तीने शारीरिक संबंध ठेवण्याचा प्रयत्न केल्यास तो बलात्काराचा गुन्हा ठरतो. त्यानुसार आरोपीवर भादंवि 376 (2) आणि पॉक्सोच्या कलम 3 (बी), 4.7,8 कलमानुसार गुन्हा दाखल करण्यात आला.
पीडितेच्या वतीने सरकारी वकील अँड लीना पाठक आणि अँड शुभांगी देशमुख यांनी 9 साक्षीदार तपासले. त्यानुसार न्यायालयाने आरोपीला 21 वर्षांची शिक्षा आणि 35 हजार रुपये दंडाची शिक्षा सुनावली. या दंडाची रक्कम पीडितेच्या कुटुंबियांना आदेश न्यायालयाने दिला.