Omicron Variant : 'ओमायक्रॉनला चिरडून चिरडून मारण्याची तयारी'; शॉपिंगचा धडकी भरवणारा Video तुफान व्हायरल
By ऑनलाइन लोकमत | Published: December 23, 2021 08:30 AM2021-12-23T08:30:57+5:302021-12-23T08:42:03+5:30
CoronaVirus Marathi News and Live Updates: कोरोना नियमावलीची एैशीतैशी अन् सोशल डिस्टंसिंगचा फज्जा उडालेला पाहायला मिळाला.
Omicron Variant : 'ओमायक्रॉनला चिरडून चिरडून मारण्याची तयारी'; शॉपिंगचा धडकी भरवणारा Video तुफान व्हायरल
Next नवी दिल्ली - देश कोरोनाच्या महाभयंकर संकटाचा सामना करत असून रुग्णांच्या संख्येने तब्बल तीन कोटींचा टप्पा पार केला आहे. तर लाखो लोकांना आपला जीव गमवावा लागला आहे. याच दरम्यान कोरोनाचा संसर्ग रोखण्यासाठी देशभरात कडक निर्बंध लागू करण्यात आले आहेत. मात्र काही ठिकाणी याचे पालन होत नसल्याचं पाहायला मिळत आहे. अशीच एक घटना समोर आली आहे. कोरोना नियमावलीची एैशीतैशी अन् सोशल डिस्टंसिंगचा फज्जा उडालेला पाहायला मिळाला. लोकांना कोरोनाची चिंताच नसून नियमांचीही अजिबात भीती नसल्याचं चित्र पाहायला मिळत आहे. दिल्लीतील प्रसिद्ध मार्केटमध्ये शॉपिंग करण्यासाठी लोकांनी तुफान गर्दी केली आहे.
देशात कोरोनाची तिसरी लाट येण्याची शक्यता वर्तवण्यात येत आहे. तर दुसरीकडे ओमाय़क्रॉनने टेन्शन वाढवलेलं असताना लोकांमध्ये मोठ्या प्रमाणात निष्काळजीपणा पाहायला मिळत आहे. मास्क न लावता लोकांनी शेकडोच्या संख्येने गर्दी केली आहे. दिल्लीतील मार्केटमधील एक व्हिडीओ सोशल मीडियावर जोरदार व्हायरल होत आहे. आयपीएस अधिकारी रुपिन शर्मा (IPS Rupin Sharma) यांनी आपल्या ट्विटर अकाऊंटवर हा व्हिडीओ पोस्ट केला आहे. त्यांनी पोस्टमध्ये दिलेल्या माहितीनुसार दिल्लीतील (Delhi) सरोजनी नगर मार्केटमधील (Sarojini Nagar Market) हा व्हिडीओ आहे.
#SarojiniNagar market #Delhi - #Xmas Bazar. #Omicorn को कुचल-कुचल कर मारने की तैयारी😊☺️☺️😢😢😢@ArvindKejriwal@msisodia@CPDelhipic.twitter.com/ypxsaPqBJn
— Rupin Sharma IPS (@rupin1992) December 22, 2021
ना कोरोनाची चिंता, ना नियमांची भीती! निर्बंधांची एैशीतैशी
"ओमायक्रॉनला चिरडून चिरडून मारण्याची तयारी" असं कॅप्शन देखील शर्मा यांनी या व्हिडिओला दिलं आहे. सोशल मीडियावर व्हायरल होणाऱ्या या व्हिडिओमध्ये मार्केटमध्ये लोकांनी खरेदीसाठी तुफान गर्दी केली आहे. सोशल डिस्टंसिंगचा फज्जा उडाला आहे. कपड्यांची दुकानं पाहायला मिळत असून लोक एकमेकांना धक्का मारून खरेदी करत आहेत. वेगाने पसरणाऱ्या ओमायक्रॉनने भीतीचे वातावरण निर्माण केलेले असताना लोकांचा हा हलगर्जीपणा समोर आला आहे. व्हिडिओत दिसणारी इतकी गर्दी पाहून सर्वांनाच भीती वाटू लागली आहे. एका हिंदी वेबसाईटने याबाबतचे वृत्त दिले आहे.
ओमायक्रॉनचा भयावह वेग! देशातील रुग्णसंख्या 216 वर; महाराष्ट्रासह 'या' राज्यांनी वाढवलं टेन्शन
दिल्ली आणि महाराष्ट्रातील ओमायक्रॉन रुग्णांचा आकडेवारी ही सर्वाधिक आहे. त्यामुळेच आता देशातील एकूण रुग्णसंख्या ही 216 वर पोहोचली आहे. ओमायक्रॉनचे जवळपास अर्ध्याहून अधिक रुग्ण महाराष्ट्र आणि दिल्लीत आहेत. दिल्लीमध्ये ओमायक्रॉनचे 57 तर महाराष्ट्रात 54 रुग्ण आहेत. आतापर्यंत 90 रुग्ण बरे झाले असून त्यांना रुग्णालयातून डिस्चार्ज देण्यात आला आहे. कोरोनाचा संसर्ग रोखण्यासाठी शर्थीचे प्रयत्न केले जात आहेत. तेलंगणामध्ये ओमायक्रॉनचे 24, कर्नाटकमध्ये 19, राजस्थानमध्ये 18, केरळमध्ये 15, गुजरातमध्ये 14, जम्मू-काश्मीरमध्ये 3, ओडिशा आणि उत्तर प्रदेशमध्ये 2-2 रुग्ण आढळले आहेत तसेच आंध्र प्रदेश, चंडीगड, लडाख, तामिळनाडू आणि पश्चिम बंगालमध्ये प्रत्येकी एक रुग्ण आढळला आहे.