डंपरची बसला टक्कर, भीषण अपघातात सहा ठार 21 जखमी

अजमेर जिल्ह्यात तबीजी परिसरात आज सकाळी मोठी दुर्घटना घडली. अजमेरकडून पालीच्या दिशेने जाणाऱ्या रोडवेजच्या बसला एका डंपरने धडक दिली. या भीषण अपघातात 6 जणांचा मृत्यू झाला

जयपूर - येथील अजमेर जिल्ह्यात तबीजी परिसरात आज सकाळी मोठी दुर्घटना घडली. अजमेरकडून पालीच्या दिशेने जाणाऱ्या रोडवेजच्या बसला एका डंपरने धडक दिली. या भीषण अपघातात 6 जणांचा मृत्यू झाला तर 21 जण जखमी झाले आहेत. या अपघाताची माहिती मिळताच स्थानिक पोलीस प्रशासनाने घटनास्थळी धाव घेऊन मृतेदह ताब्यात घेतले आहेत. तर जखमींना जवळील रुग्णालयात दाखल करण्यात आले आहे.

सकाळच्या प्रवासाने अजमेरकडून पालीकडे निघालेल्या रोडवेजच्या या बसमधील बहुतांश प्रवासी बसमध्ये झोपलेल्या अवस्थेत होते. यावेळी अचानक समोरुन येणाऱ्या एका डंपरने बसला जोरदार धडक दिली. त्यामुळे बसच्या एका बाजूचा पूर्ण भाग डंपरच्या तडाख्यात सापडला. त्यामध्ये बसमधील या बाजूस बसलेल्या सर्वच प्रवाशांचा मृत्यू झाला. भरतपूर येथील रहिवासी आणि बसमधील प्रवासी रेखा व्यास यांनी या अपघाताबद्दल माहिती दिली. दरम्यान, जिल्हा प्रशासनाकडून घटनास्थळी मतदकार्य सुरु असून जमखींवर रुग्णालयात उपचार सुरू आहेत.