राहुल गांधींच्या चेहऱ्यावर दिसला हिरवा लेझर लाइट; काँग्रेसला स्नायपर हल्ल्याची भीती
By ऑनलाइन लोकमत | Published: April 11, 2019 03:48 PM2019-04-11T15:48:15+5:302019-04-11T15:49:20+5:30
काँग्रेस अध्यक्ष राहुल गांधी यांच्या सुरक्षेचा प्रश्न उपस्थित झाला आहे.
राहुल गांधींच्या चेहऱ्यावर दिसला हिरवा लेझर लाइट; काँग्रेसला स्नायपर हल्ल्याची भीती
Next नवी दिल्ली- काँग्रेस अध्यक्ष राहुल गांधी यांच्या सुरक्षेचा प्रश्न उपस्थित झाला आहे. काँग्रेसनं केंद्रीय गृहमंत्री राजनाथ सिंह यांना एक पत्र लिहिलं आहे. अहमद पटेल, रणदीप सुरजेवाला, जयराम रमेश यांनी मिळून हे पत्र लिहिलं आहे. राहुल गांधी अमेठीत पत्रकारांशी संवाद साधत असताना त्यांच्या चेहऱ्यावर कोणी तरी सात वेळा हिरव्या कलरची लेझर लाइट मारली. स्नायपर हल्ल्यात अशी लेझर लाइट वापरली जात असल्याची शक्यताही काँग्रेसनं व्यक्त केली आहे. त्यामुळे राहुल गांधींच्या जीविताला धोका असून, त्यांची सुरक्षा वाढवण्याची गरज असल्याचं काँग्रेसनं म्हटलं आहे.
काँग्रेसनं केंद्रीय गृहमंत्रालयाच्या लिहिलेल्या या पत्राबरोबर पेन ड्राइव्हमध्ये तो हिरव्या लेझर लाइटचा व्हिडीओही पाठवला आहे. काँग्रेसच्या माजी पंतप्रधान इंदिरा गांधी आणि राजीव गांधींचाही या पत्रात उल्लेख आहे. काँग्रेसनं हा व्हिडीओ जारी केला असून, त्यात 15 सेकंदांपर्यंत चेहऱ्यावर लेझर लाइट मारलेली दिसत आहे. या व्हिडीओमध्ये राहुल गांधी राफेल करारासंदर्भात सर्वोच्च न्यायालयानं दिलेल्या निर्णयावर प्रतिक्रिया देत आहेत.
Congress wrote to Home Minister over breach in security of its president Rahul Gandhi y'day; says Gandhi was addressing media after filing nomination from Amethi, "a persual of his interaction will reflect that a laser was pointed at his head, on at least 7 separate occasions" pic.twitter.com/f3Jmnjhzs5
— ANI (@ANI) April 11, 2019
राहुल गांधी यांनी त्यांच्या अमेठी या मतदारसंघातून जवळपास दोन तास रोड शो केला. त्यानंतर त्यांनी अर्ज भरला. यावेळी त्यांच्याबरोबर बहीण प्रियंका गांधी, भावोजी रॉबर्ट वाड्रा आणि त्यांची दोन मुलं उपस्थित होती. यूपीएच्या या रोड शोमध्ये सोनिया गांधींनी सहभाग घेतला नव्हता. त्या थेट राहुल गांधी उमेदवारी अर्ज भरणार असलेल्या जिल्हाधिकारी कार्यालयात पोहोचल्या.
MHA: We've not received any letter regarding alleged breach in security of Congress Pres Rahul Gandhi. As soon as MHA’s attention was drawn to reports of incident of “green light” being pointed at him y'day in Amethi, the Director (SPG) was asked to verify factual position. (1/2) pic.twitter.com/VY2D0IgRjP
— ANI (@ANI) April 11, 2019
तर दुसरीकडे राहुल गांधी यांच्या चेहऱ्यावर मारण्यात आलेली लाइट ही एआयसीसी छायाचित्रकाराच्या मोबाइल फोनमधील असल्याचीही माहिती समोर आली आहे. अमेठीतल्या जिल्हाधिकारी कार्यालयात उमेदवारी अर्ज भरण्यासाठी राहुल गांधी गेले असता, हा फोटोग्राफर राहुल गांधींच्या जवळपास असल्याचीही शक्यता वर्तवण्यात आली आहे.
MHA: Director SPG informed MHA that the “green light” shown in clipping was found to be that of a mobile phone used by AICC photographer, who was video graphing the impromptu press interaction of Rahul Gandhi near the collectorate in Amethi. (2/2) https://t.co/jNDX61Q7Y4
— ANI (@ANI) April 11, 2019