अरबाज खानपाठोपाठ साजिद खानही आयपीएल बेटिंगच्या जाळ्यात

लवकरच साजिद खानचीही चौकशी होण्याची शक्यता

मुंबई: आयपीएल बेटिंग प्रकरणात अभिनेता-निर्माता अरबाज खाननंतर आता बॉलीवूडमधील आणखी एक नाव उजेडात आलं आहे. आयपीएल बेटिंग प्रकरणी अटकेत असलेला बुकी सोनू जलान यानं अरबाजनंतर दिग्दर्शक-निर्माता साजिद खानच्या बेटिंगमधील सहभागाची माहिती पोलिसांना दिली आहे. एएनआय या वृत्तसंस्थेनं ठाणे पोलिसांच्या गुन्हे शाखेतील सूत्रांच्या हवाल्यानं याबद्दलचं वृत्त दिलं आहे. 

Bookie Sonu Jalan has named Director Sajid Khan, has said, around 7 years ago Sajid used to place bets on cricket matches. Thane police is investigating into Sonu's claims but have not decided to summon Sajid for joining the investigation yet: Thane crime branch sources pic.twitter.com/Un0DjIShmj

— ANI (@ANI) June 5, 2018

बुकी सोनू जलानचे अंडरवर्ल्ड डॉन दाऊद इब्राहिमशी संबंध आहेत. सध्या सोनू ठाणे पोलिसांच्या ताब्यात असून आयपीएल बेटिंग प्रकरणात त्याची चौकशी सुरू आहे. सोनूनं काही दिवसांपूर्वी अरबाज खानच्या बेटिंगमधील सहभागाची माहिती पोलिसांना दिली होती. त्यानंतर गेल्याच आठवड्यात अरबाजची चौकशी झाली. यामध्ये त्यानं आयपीएल सामन्यांवर बेटिंग केल्याची कबुली दिली. यानंतर आता सोनूनं साजिद खानच्या बेटिंगमधील सहभागाची माहिती पोलिसांना दिली आहे. साजिद खान 7 वर्षांपूर्वी आयपीएल सामन्यांवर बेटिंग करत होता, असं सोनूनं पोलिसांना सांगितलं. या माहितीची आता पोलिसांकडून शहानिशा केली जाणार आहे. याप्रकरणी चौकशीसाठी साजिदला समन्स पाठवायचे का, याबद्दलचा निर्णय अद्याप पोलिसांनी घेतलेला नाही, असं वृत्त एएनआयनं गुन्हे शाखेतील सूत्रांच्या हवाल्यानं दिलं आहे.