येवला : पतंगाच्या मांजाने ३० वर्षीय युवकाचा गळा कापला गेल्याची घटना शक्र वारी सायंकाळी ५ वाजता शनिपटांगणावर घडली. मोटरसायकलवरून जाताना पतंगाचा नायलॉन मांजा त्याच्या मानेवर पडला. वेगात असल्याने मांजा गळ्यात जोरदारपणे घुसला आणि गळा कापल्याने रक्ताची धार लागली. गंभीर जखमी अवस्थेत काही युवकांनी प्रसंगावधान राखत रक्तस्त्राव थांबण्यासाठी गळ्याला रुमाल बांधला व रुग्णालयात दाखल केले.
युवकाला हॉस्पिटलमध्ये उपचारासाठी आणले. त्याच्यावर ३५ ते ४० टाके घालावे लागले. केवळ नशीब बलवत्तर म्हणून वेळेवर उपचार मिळाल्याने युवकाचा जीव वाचला. रहीमतुद्दीन अस्मत अली खान असे या गंभीर जखमी युवकाचे नाव आहे. नायलॉन मांजा विक्रीवर बंदी घातली असताना संक्रांतीला अद्याप दोन महिने बाकी असताना अशी घटना घडली आहे.


Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.