उमरी येथे सततची नापिकी व कर्जाला कंटाळुन शेतक-याची आत्महत्या 

सततची नापिकी व कर्जाची परतफेड झाली नसल्याने उमरी तालुक्यातील तुराटी येथील शेतक-याने स्वतःस पेटवून घेऊन आत्महत्या केली. नामदेव मारोती काळेकर असे मृत शेतक-याचे नाव आहे. 

नांदेड : सततची नापिकी व कर्जाची परतफेड झाली नसल्याने उमरी तालुक्यातील तुराटी येथील शेतक-याने स्वतःस पेटवून घेऊन आत्महत्या केली. नामदेव मारोती काळेकर असे मृत शेतक-याचे नाव आहे. 

याबाबत अधिक माहिती अशी कि, नामदेव काळेकर हे शेतकरी मागील काही दिवसांपासूनची नापिकीमुळे त्रस्त होते. यातच त्यांच्यावर राष्ट्रीयकृत बँकेचे कर्ज होते. याची परतफेड झाली नसल्याने व शेतीमधून उत्पन्न होत नसल्यान नामदेव यांनी नैराश्यातून २ डिसेंबर रोजी स्वतः ला पेटवून घेतले. यात ते गंभीररीत्या जखमी झाले होते. 

त्यांच्यावर नांदेड उपचारासाठी दाखल करण्यात आले. उपचार सुरु असतानाच ६ डिसेंबर रोजी त्यांचा मृत्यू झाला. शेतामध्ये सततची नापिकी व बँकेकडून  घेतलेल्या कर्जाची परतफेड होत नव्हती . या नैराश्यातून नामदेव काळेकर यांनी आत्महत्या केल्याची माहिती उपनिरीक्षक शहदेव खेडकर यांनी दिली. याबाबत उमरी पोलिस ठाण्यात आकस्मिक मृत्यूची  नोंद करण्यात आली . पुढील तपास पोलीस निरीक्षक संदीपान शेळके यांच्या मार्गदर्शनाखाली करण्यात येत आहे.