रशियात एकच छत्री आहे का?; राष्ट्रपती पुतीनवर जोक्सचा पाऊस

रशियाचे राष्ट्रपती व्लादिमीर पुतीन यांना सोशल मीडियातून ट्रोल करण्यात येत आहे. फिफा विश्वचषकातील बक्षिस समारंभावेळी पुतीन यांच्या डोक्यावर छत्री दिसत आहे. त्यावरुन नेटीझन्सने पुतीन यांची मजा घेतल्याचे दिसून येते.

मॉस्को - फिफा विश्वचषक 2018 स्पर्धेच्या अंतिम सामन्यात रोमांचक लढत पाहायला मिळाली. रशियाच्या धरतीवर फ्रान्स आणि क्रोएशियन खेळाडूंचा थरार जगाने अनुभवला. या रोमहर्षक लढतीत 4-2 अशा फरकाने फ्रान्सने विजय मिळवला. या विजयानंतर फ्रान्स संघावर जगभरातून अभिनंदनाचा वर्षाव झाला. फ्रान्स खेळाडूंनीही तितक्याच जल्लोषात विजयानंद साजरा केला. त्याचवेळी मैदानात चक्क वरुणराजानेही हजेरी लावत दोन्ही संघांचे अभिनंदन केले. तर, रशियाचे राष्ट्रपती व्लादिमीर पुतीन यांनी भर पावसात विजयी खेळाडू्ंना विश्वचषक सुपूर्द केला. मात्र, बक्षिस सोहळ्यात त्यांच्या डोक्यावरील छत्री सर्वांचे आकर्षण ठरली.

फिफा विश्वचषक 2018 स्पर्धेत तब्बल 20 वर्षानंतर फ्रान्सने विश्वविजयाला गवसणी घातली. फ्रान्सने 4-2 अशा फरकाने सामना जिंकत ऐतिहासिक कामगिरी केली. या विश्वसोहळ्याच्या बक्षिस वितरणावेळी जगभरातील दिग्गजांनी व्यासपीठावर हजेरी लावली होती. त्यावेळी अनेक देशांच्या प्रमुखांनीही पावसात मनुरादपणे भिजण्याचा आनंद घेतला. पण, रशियाचे राष्ट्रपती व्लादिमीर पुतीन यांनी आपल्या डोक्यावरील छत्री हालू दिली नाही. या सोहळ्यात पावसापासून बचाव करण्यासाठी व्लादिमीर पुतीन यांच्या डोक्यावर त्यांच्या सुरक्षा रक्षकांनी छत्री धरल्याचे दिसत आहे.

ओमर अब्दुल्ला यांचे ट्विट- पुतीन यांच्या छत्रीने फिफा विश्वचषकातील बक्षिस वितरण सोहळ्याची शोभा घालवली.

Putin’s umbrella almost overshadowed the trophy ceremony #WorldCup

— Omar Abdullah (@OmarAbdullah) July 15, 2018

पुतीन यांचा हा फोटो सोशल मीडियावर व्हायरल झाला आहे. तसेच या फोटोवरुन पुतीन यांच्यावर जोक्सचा पाऊसही पडत आहे. क्रोएशियाने विश्वचषक जिंकण्याची, तर पुतीन यांनी पावसात भिजण्याची संधी घालवली, असे काही नेटीझन्सने म्हटले आहे. तर, रशियात केवळ एकच छत्री आहे का ? असा प्रश्नही विचारण्यात आला आहे.  

एका ट्विटर युजर्सचा खोचक सवाल ? 

Do they only have one umbrella in Russia?!! 😂🙈

— Siobhan ⚽️👐🏼 (@Sio_Chamberlain) July 15, 2018

ही माझी छत्री आहे माझी, तुमची नाही. तुम्ही फ्रेंचवाले पहिलं पावसात भिजा जा. 

@PutinRF_Eng to @EmmanuelMacron : "My umbrella is my umbrella, its not your umbrella, you French fry get yourself soaked in rain first!!!"😉😉 #FIFAWorldCup#FRACRO#FrancevsCroatia#FinalRusia2018#Russia#France#HighLevel#Attitude#Supreme Power #KokulaKrishnaHariKpic.twitter.com/HXNAcXHuNE

— Kokula Krishna Hari™ (@kkkhari) July 16, 2018