मानसिक रुग्ण विवाहीतेची विहिरीत उडी घेऊन आत्महत्या

कळमनुरी तालुक्यातील वसफळ येथे एका विवाहीतेने विहिरीत उडी घेऊन आत्महत्या केल्याची घटना ६ फेब्रुवारी रोजी घडली आहे.

डोंगरकडा ( जि. हिंगोली ) : कळमनुरी तालुक्यातील वसफळ येथे एका विवाहीतेने विहिरीत उडी घेऊन आत्महत्या केल्याची घटना ६ फेब्रुवारी रोजी घडली आहे.

याबाबत सविस्तर माहिती अशी की, वसफळ येथील शिलाबाई बालाजी गवळी (३१) ही महिला ४ फेब्रुवारी पासून मानसिक संतुलन बिघडल्याने घरातून निघून गेल्याची तक्रार नातेवाईकांनी आखाडा बाळापूर पोलीस ठाण्यात केली होती. ६ फेब्रुवारी रोजी सायंकाळी गावाला सार्वजानिक पाणीपुरवठा करणाऱ्या विहिरीत एका महिलेचा मृतदेह तरंगत असल्याचे गावकऱ्यांच्या निदर्शनास आले. ग्रामस्थांनी याबाबत आखाडा बाळापूर पोलिसांना माहिती दिली.

पोलीस कर्मचाऱ्यांनी घटनास्थळाचा पंचनामा करुन मृतदेह शवविच्छेदनासाठी डोंगरकडा येथील प्राथमिक आरोग्य केंद्रात दाखल केला. त्यानंतर मृतदेह नातेवाइकांच्या ताब्यात देण्यात आला. मयत महिलेचा दिर सुदाम रतन गवळी यांच्या फियार्दीवरून आखाडा बाळापुर पोलीस ठाण्यात अकस्मात मृत्यूची नोंद करण्यात आली. पुढील तपास पोउपनि सविता बोधनकर, जमादार बाभळे, प्रशांत शिंदे हे करीत आहेत.