रोनाल्डोचा तो गोल ठरला ' Goal of the season'; ज्यांच्याविरुद्ध गोल केला त्यांनीच केले कौतुक

By ऑनलाइन लोकमत | Published: August 29, 2018 09:42 AM2018-08-29T09:42:25+5:302018-08-29T09:42:50+5:30

जगातील सर्वात तंदुरुस्त खेळाडू ख्रिस्तीयानो रोनाल्डो याच्या शिपरेचात आणखी एक मानाचा तुरा रोवला गेला आहे. २०१७-१८ च्या सत्रात रेयाल माद्रिदला विक्रमी सलग तिसरे चॅम्पियन्स लीग जेतेपद पटकावून देण्यात रोनाल्डोने सिंहाचा वाटा उचलला होता.

Cristiano Ronaldo's overhead kick for Real Madrid was voted UEFA's goal of the season | रोनाल्डोचा तो गोल ठरला ' Goal of the season'; ज्यांच्याविरुद्ध गोल केला त्यांनीच केले कौतुक — रोनाल्डोचा तो गोल ठरला ' Goal of the season'; ज्यांच्याविरुद्ध गोल केला त्यांनीच केले कौतुक

माद्रिद - जगातील सर्वात तंदुरुस्त खेळाडू ख्रिस्तीयानो रोनाल्डो याच्या शिपरेचात आणखी एक मानाचा तुरा रोवला गेला आहे. २०१७-१८ च्या सत्रात रेयाल माद्रिदला विक्रमी सलग तिसरे चॅम्पियन्स लीग जेतेपद पटकावून देण्यात रोनाल्डोने सिंहाचा वाटा उचलला होता. त्याने चॅम्पियन्स लीगच्या उपांत्यपूर्व फेरीत केलेल्या गोलने रेयालचे आव्हान कायम राखले होते आणि त्याच्या याच गोलला चॅम्पियन्स लीगच्या २०१७-१८ मोसमातील सर्वोत्तम गोलचा पुरस्कार मिळाला आहे.

🏅 Congratulations @cristiano, Goal of the Season winner!

Ronaldo topped the poll with nearly 200,000 of the total 346,915 votes! 👏👏👏

Past winners, rest of the Top 11, voting info... 👇👇👇
— UEFA Champions League (@ChampionsLeague) August 28, 2018

रोनाल्डो सध्या युव्हेंटस क्लबचे प्रतिनिधित्व करत आहे आणि त्याने रेयालकडून खेळताना याच क्लबविरुद्ध गोल केला होता. नऊ फूट हवेत झेपावत रोनाल्डोने घेतलेली ती कोलांटीउडी सर्व वृत्तपत्रांच्या पहिल्या पानावर जागा व्यापणारी ठरली. त्या गोललाच ' Goal of the season' चा पुरस्कार मिळाला.
कसा केला होता गोल पाहा हा व्हिडीओ...

👏👏👏 Congratulations, @Cristiano! 👏👏👏

🙌 ⚽️ The @UEFAcom Goal of the Season is yours. ⚽️ 🙌

🏳🏴 #CR7JUVE 🏳🏴 pic.twitter.com/Q2HBCbNzi8
— JuventusFC (@juventusfcen) August 28, 2018

या पुरस्कार निवडीसाठी झालेल्या मतदानात ३४६९१५ मतांपैकी २ लाख मत रोनाल्डोच्या बाजूने पडली. युव्हेंटस क्लबचा सहकारी मारियो मॅंडझूकीचने गत मोसमात रेयाल माद्रिदविरुद्ध अंतिम लढतीत केलेला गोल सर्वोत्तम ठरला होता. रोनाल्डोचा कट्टर प्रतिस्पर्धी बार्सिलोनाचा लिओनेल मेस्सी याने २०१४-१५ व २०१५-१६ च्या मोसमात हा पुरस्कार जिंकला आहे.

🏆 UEFA Goal of the Season 17/18
⚽ @Cristiano
🆚 @juventusfcen pic.twitter.com/I2A36dJDvU
— Real Madrid C.F. 🇬🇧🇺🇸 (@realmadriden) August 28, 2018

पाचवेळा बॅलोन डी'ओर हा प्रतिष्ठित पुरस्कार जिंकणाऱ्या रोनाल्डोने ' Goal of the season' साठी निवड केल्याबद्दल सर्वांचे आभार मानले. तो म्हणाला,' मला मत देणारे प्रत्येकाचे आभार. तो क्षण मी केव्हाच विसरू शकत नाही. विशेषतः प्रेक्षकांकडून मिळालेली दाद.. '

Web Title: Cristiano Ronaldo's overhead kick for Real Madrid was voted UEFA's goal of the season

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :