माता न तू वैरिणी! प्रियकरासोबत मिळून पोटच्या पोराची केली हत्या, प्रेम प्रकरणात ठरत होता आडकाठी

ही आई प्रेमात इतकी आंधळी झाली होती की, तिने मुलाची हत्या करून त्याचा मृतदेह नाल्याजवळ फेकून दिला.

आपल्या प्रेमात आडकाठी ठरत असलेल्या मुलाची आईनेच प्रियकरासोबत मिळून हत्या केल्याची धक्कादायक घटना समोर आली आहे. ही आई प्रेमात इतकी आंधळी झाली होती की, तिने मुलाची हत्या करून त्याचा मृतदेह नाल्याजवळ फेकून दिला. घटनेच्या २४ तासांनंतर गुरदासपूर पोलिसांनी आरोपी आई आणि तिच्या प्रियकराला अटक केलीय. तसेच पोलिसांनी एका अज्ञाताविरोधात तक्रार दाखल केली.

रविवारी झंडा लुभाना येथील रहिवाशी त्रिलोचन सिंहने पोलिसांना माहिती दिली की, त्याच्या शेताजवळून जात असलेल्या नाल्यात एक अर्धवट जळालेला मृतदेह पडलेला आहे. याची माहिती मिळताच पोलीस लगेच घटनास्थळी पोहोचले. 

एसएसपी डॉ. नानक सिंह यांनी पत्रकार परिषदेत सांगितले की, अज्ञात मृतदेहाची ओळख रणदीप सिंह ऊर्फ बॉबी (२६) अशी पटली आहे. या प्रकरणाच्या तपासातून समोर आलं आहे की, मृतकाची आई रूपिंदर कौरचं सुखविंदर सिंह याच्यासोबत गेल्या सहा महिन्यांपासून अफेअर सुरू होतं. रूपिंदर कौरनेच सुखविंदर सिंह आणि त्याचा मित्र गुरजीत कौरसोबत मिळून रणदीप सिंहची हत्या केली आहे. (हे पण वाचा : भावाला गुंडांसोबत राहू नको असा सल्ला दिला; नागपुरात भाजी विक्रेत्यावर गोळी झाडण्याचा प्रयत्न )

हत्या करण्याआधी रणदीपला त्याच्या आईने झोपेच्या गोळ्या दिल्या होत्या. त्यानंतर बेशुद्ध असतानाच आरोपींनी त्याच्यावर हातोडे आणि चाकूने सपासप वार करत त्याची हत्या केली. हत्या लपवण्यासाठी आऱोपींनी मिळून मृतदेह जाळला.

गावात रणदीप सिंह गायब असल्याची खबर आगीसारखी परसली होती. पोलीस आरोपी आई रूपिंदर कौरकडे गेले असता त्यांनी तिला सांगितलं की, ड्रेनेजजवळ एका तरूणाचा मृतदेह सापडला आहे. मृतकाची ओळख पटवण्यासाठी रूपिंदर सिंहला नेण्यात आलं. तेव्हा तिने मुलाचाच मृतदेह ओळखण्यास नकार दिला.

मृत रणदीप सिंह हा विवाहित होता. त्याची पत्नी परदेशात होती. तर एक भाऊ सैन्यात नोकरी करतो. वडिलही सैन्यातून निवृत्त होऊन आता एका खाजगी कंपनीत सिक्युरिटी गार्ड म्हणून नोकरी करतात. (हे पण वाचा : पत्नीला खूश करण्याचा नाद भोवला, पठ्ठ्यानं १०० तोळ्याचा सुवर्ण हार बनवला;पोलिसांनी बोलावलं अन् डाव फसला)

मृत रणदीप सिंह याच्या खात्यात पाच लाख रूपये होते. त्याला त्याच्या पत्नीकडे कॅनडाला जायचं होतं. पण त्याची आई इतकी निर्दयी होती की गोड बोलून तिने त्याच्याकडून ते पाच लाख स्वत:च्या अकाउंटवर ट्रान्सवर करून घेतले. इतकंच नाही तर पैसे खात्यावर जमा झाल्यावर आई मुलासोबत विचित्र  वागू लागली होती. कारण मुलगा घरात असल्याने ती तिच्या प्रियकराला भेटू शकत नव्हती. त्यानंतर महिला आणि तिच्या प्रियकराने रणदीपला मार्गातून हटवण्याचा प्लॅन केला.