धक्कादायक! महाराष्ट्र बँकेच्या ATM वर दरोडा; लाखोंची रोख रक्कम लंपास
By ऑनलाइन लोकमत | Published: September 7, 2022 10:16 AM2022-09-07T10:16:33+5:302022-09-07T10:18:03+5:30
Crime News : नागठाणे सासपडे रोडवरील महाराष्ट्र ATM वर मंगळवारी रात्री अडीच वाजता दरोडा टाकून अज्ञात चोरट्याने जिलेटीनचा स्फोट करून ATM फोडून लाखोंची रोख रक्कम लंपास केली आहे.
धक्कादायक! महाराष्ट्र बँकेच्या ATM वर दरोडा; लाखोंची रोख रक्कम लंपास
Next नागठाणे - नागठाणे येथील महाराष्ट्र बँकेच्या ATM वर दरोडा टाकून ATM जिलेटीनच्या साहाय्याने फोडून चोरट्याने लाखोंची रोख रक्कम लंपास केल्याची धक्कादायक घटना घडली आहे. नागठाणे ता.सातारा येथील नागठाणे सासपडे रोडवरील महाराष्ट्र ATM वर मंगळवारी रात्री अडीच वाजता दरोडा टाकून अज्ञात चोरट्याने जिलेटीनचा स्फोट करून ATM फोडून लाखोंची रोख रक्कम लंपास केली आहे.
CCTV मध्ये अज्ञात चोरटा कैद झाला असला तरीही CCTV मधेही काही केमिकल घालून चोरट्याने CCTV बंद करण्याचा प्रयत्न केला आहे. अजूनही अधिकृत किती रक्कम चोरीस गेली आहे याची माहिती मिळाली नाही. घटनेची माहिती मिळताच बोरगाव पोलीस घटनास्थळी दाखल झाले असून पंचनामा करण्याचे काम चालू असून CCTV च्या माध्यमातून तपास चालू करण्यात आला आहे. घटनेमुळे संपूर्ण नागठाणे परिसरात आणि जिल्ह्यातही भीतीचे वातावरण निर्माण झाले आहे.
