कृषी प्रदर्शनात माठावरील मांड्याची लज्जतच न्यारी!

ठळक मुद्देहळद व कवठाचे लोणचे, कवठाची चटणी, सोया कुकीज यांनी ‘अँग्रोटेक २0१७’ ला बनवले चवदार  थेट शेतकर्‍यांकडून निर्मित सेंद्रिय मध, आवळा चॉकलेट, क्यांडी, आवळा लोणचे, निंबू लोणचे, मिरची लोणचे मूग, उडीद, ज्वारी असा कृषी उत्पादित व मूल्यवर्धित माल घेण्यासाठी ग्राहकांची गर्दी उसळली

लोकमत न्यूज नेटवर्क
अकोला: बचत गटांनी विविध दालने उघडली असून यामध्ये ‘माठावरचा मांडा’ आकर्षणाचा केंद्रबिंदु ठरत आहे. तसेच या कृषी प्रदर्शनास खमंग आणि चवदार बनविले. हळद व कवठाचे लोणचे, कवठाची चटणी, सोया कुकीज, थेट शेतकर्‍यांकडून निर्मित सेंद्रिय मध, आवळा चॉकलेट, क्यांडी, आवळा लोणचे, निंबू लोणचे, मिरची लोणचे तसेच मूग, उडीद, ज्वारी असा कृषी उत्पादित व मूल्यवर्धित माल घेण्यासाठी ग्राहकांची गर्दी उसळली.
 रेशीम निर्मिती, शेत तलावातील मत्स्यपालन, कुक्कुटपालनाचे प्रात्यक्षिक कुक्कुटपालनासाठी उपयोगी असल्याने शेतकर्‍यांनी याकडे लक्ष केंद्रित केले. यावर्षी महाराष्ट्र राज्य पशू विज्ञान व मत्स्य विद्यापीठाच्या स्थानिक पदव्युत्तर संशोधन संस्थेच्यावतीने सर्वच प्रकारच्या पशू, पक्ष्यांची माहिती देण्यासाठी आकर्षक दालन उघडले. शेतकर्‍यांची ही माहिती जाणून घेतली.