उपमुख्यमंत्री देवेंद्र फडणवीस गुरुवारी अकोल्यात

भाजपच्या वतीने मुर्तिजापूर येथे सायंकाळी त्यांच्या जाहीर सभेचे आयोजन करण्यात आल्याची माहिती आहे. 

अकोला: राज्याचे उपमुख्यमंत्री देवेंद्र फडणवीस भाजप, शिवसेना, राष्ट्रवादी काँग्रेस, मनसे, मराठा महासंघ महायुतीचे उमेदवार अनुप संजय धोत्रे यांच्या प्रचारार्थ अकोला जिल्ह्यात गुरुवारी दाखल हाेत आहेत. भाजपच्या वतीने मुर्तिजापूर येथे सायंकाळी त्यांच्या जाहीर सभेचे आयोजन करण्यात आल्याची माहिती आहे. 

लाेकसभा निवडणुकीच्या रिंगणात यंदा भाजपने पहिल्यांदाच अनुप धाेत्रे या तरुण चेहऱ्याला संधी दिली आहे. अकाेला लाेकसभा मतदार संघासाठी येत्या २६ एप्रिल राेजी मतदान प्रक्रिया पार पडणार आहे. निवडणुकीच्या आखाड्यात शड्डू ठाेकलेल्या अनुप धाेत्रे यांच्या प्रचारासाठी महायुतीची संपूर्ण यंत्रणा कामाला लागली असून उपमुख्यमंत्री तथा गृहमंत्री देवेंद्र फडणवीस हे गुरुवारी जिल्ह्यात दाखल हाेतील.

मूर्तिजापूर येथे सायंकाळी ६ वाजता त्यांच्या सभेचे आयाेजन करण्यात आले आहे. महायुतीच्या वतीने विविध पक्षाचे कार्यकर्ते तसेच बार्शीटाकळी, मुर्तिजापुर, अकोट, अकोला या भागातील नागरिक मोठ्या संख्येने उपस्थित राहण्याच्या दृष्टीने जनसंपर्क अभियान राबविल्या जात आहे.