वाढदिवसाला बोलवून अल्पवयीन मुलीवर अत्याचार, पीडित गर्भवती राहिल्यानंतर लग्नास दिला नकार

वाढदिवस साजरा करण्यासाठी सतरा वर्षाच्या पीडितेला भेटण्यास बोलवून तिच्यावर अत्याचार केला.

रुपेश हेळवे, सोलापूर : वाढदिवस साजरा करण्यासाठी सतरा वर्षाच्या पीडितेला भेटण्यास बोलवून तिच्यावर अत्याचार केला. नंतर पीडित गर्भवती राहिल्यानंतर लग्नास नकार दिला, अशा आशयाची फिर्याद पीडितेने दिली आहे. या प्रकरणी इद्रिस मुत्ताज अन्सारी ( वय २१, रा. सोलापूर ) याच्यावर अत्याचार प्रकरणी गुन्हा दाखल झाला आहे.

पीडित ही १७ वर्षाची असून तीची ओळख आरोपी इद्रिस अन्सारी याच्यासोबत झाली. आरोपी इद्रिस याने आपल्या वाढदिवसादिवशी पीडितेला भेटण्यासाठी बोलवले आणि तेथे त्याने पीडितेला ‘मै तुमसे बहुत प्यार करता हु, हम शादी करेगें, मै तुमको पसंद करता हु’ असे म्हणत तिच्याशी जबरदस्तीने अत्याचार केला. त्यानंतरही त्याने वारंवार अशा प्रकारे अत्याचार केला. त्यानंतर आईला संशय आल्याने पीडितेला विचारल्यानंतर पीडितेने घटनेबाबत सांगितले. त्यानंतर पीडित ही गरोदर असल्याचे समजले. त्यानंतर पीडितेने आरोपीला लग्नाबाबत विचारल्यानंतर आरोपीने लग्नास नकार दिला. या प्रकरणी आरोपीवर गुन्हा दाखल झाला आहे. घटनेचा तपास पोलिस करत आहेत.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"