दारव्हा येथे विहिंप-बजरंग दलाची निदर्शने

देशात हिंदूद्रोही व देशविरोधी कारवाया वाढल्याचा आरोप करीत या कारवायांवर अंकुश लावण्याची मागणी विश्व हिंदू परिषद व बजरंग दलाने येथील उपविभागीय अधिकाऱ्यांमार्फत राष्ट्रपतींना पाठविलेल्या निवेदनातून करण्यात आली.

ठळक मुद्देएसडीओंना निवेदन : हिंदूद्रोही व देशद्रोह्यांवर अंकुश लावण्याची मागणी

लोकमत न्यूज नेटवर्कदारव्हा : देशात हिंदूद्रोही व देशविरोधी कारवाया वाढल्याचा आरोप करीत या कारवायांवर अंकुश लावण्याची मागणी विश्व हिंदू परिषद व बजरंग दलाने येथील उपविभागीय अधिकाऱ्यांमार्फत राष्ट्रपतींना पाठविलेल्या निवेदनातून करण्यात आली.काही वर्षांपासून अलगाववादी मानसिकतेतून काही इस्लामीक जिहादी संघटनांकडून हिंदू समाज व धार्मिक स्थळावर खुलेआमपणे हल्ले करण्यात येत आहे. दुसरीकडे छोट्या छोट्या घटनांना वाढवून ग्रामीण, गोरक्षक, रामभक्त व राष्ट्रवादींना बदनाम करण्यासाठी षड्यंत्र रचण्याचा प्रयत्न केला जात आहे. छोट्या-छोट्या मुली तसेच हिंदू बहिणींवर अत्याचाराच्या वाढत्या घटनांमुळे देश बदनाम होत आहे.लव जिहाद, हिंदूंचे जबरदस्तीने धर्मांतरण, तसेच केरळ, बंगाल, कर्नाटकात हिंदूंवर आक्रमण, दिल्ली येथील चांदनी चौकातील मंदिर व घरांवरील आक्रमकण आणि सुरत, जयपूर व रांची येथे भारतविरोधी हिंसक प्रदर्शनांमुळे हींदु समाजात आक्रोश असल्याचे निवेदनातून म्हटले आहे.देशात अराजकता व अराष्ट्रीय प्रचार व प्रत्यक्ष हल्ले करणाºया सर्व जिहादी व कथीत धर्मनिरपेक्ष लोकांकडून होत असलेल्या कारवायांवर अंकुश लावण्याची मागणी निवेदनातून करण्यात आली आहे. निवेदनावर अक्षय डेहणकर, धनंजय बलखंडे, सागर खेडकर यांच्यासह विश्व हिंदू परिषद व बजरंग दल पदाधिकाऱ्यांच्या स्वाक्षºया आहे.