शहरं
Join us  
Trending Stories
1
पहलगाम दहशतवादी हल्लाः "माझ्या डोळ्यासमोरच वडिलांवर गोळ्या झाडल्या"; पुण्यातील जगदाळे, गनबोटे कुटुंब
2
पहलगाम हल्ल्यानंतर कोकण किनारपट्टीवर अलर्ट! पोलिसांनी गस्त वाढवली; संशयित हालचालीवर लक्ष ठेवण्याचे आदेश
3
₹८९४ कोटींचा व्यवसाय, तरी का विकली गेली 'बिर्याणी बाय किलो'; कोण आहे नवा मालक, कितीत झाली डील?
4
पहलगाममधील हल्ल्यानंतर बारामुल्ला येथे तुंबळ चकमक, लष्कराकडून दोन दहशकवाद्यांना कंठस्नान 
5
Pahalgam Attack: हातात रायफल, डोक्यावर टोपी; दहशतवाद्याचा पहिला फोटो आला समोर
6
दहशतवाद्यांच्या हल्ल्यानंतर राहुल गांधींचा अमित शाह यांना फोन; काय चर्चा झाली?
7
शेअर बाजाराचा बुल सुस्साट, Sensex ८० हजारांपार; Nifty १९० अंकांनी वधारला; IT स्टॉक्समध्ये खरेदी
8
सौदीतून परतलेल्या मोदींना डोभाल आणि जयशंकर यांनी विमानतळावरच दिली पहलगाम हल्ल्याबाबत माहिती, मोठा निर्णय होणार?   
9
पतीसोबत काश्मीरमध्ये फिरायला गेली होती टीव्ही अभिनेत्री, दहशतवादी हल्ला झाल्यानंतर म्हणाली- "आम्ही आजच सकाळी..."
10
पहलगाम दहशतवादी हल्ल्यानंतर उरीमध्ये घुसखोरीचा प्रयत्न उधळला; लष्कर आणि दहशतवाद्यांमध्ये चकमक सुरूच
11
पत्नीच्या मदतीनं करू शकता ₹४४,७९३ च्या मंथली पेन्शनचा जुगाड; एका झटक्यात मिळतील ₹१,११,९८,४७१
12
पहलगाम हल्ल्यावरून राज ठाकरे संतप्त, केंद्राला म्हणाले, "दहशतवाद्यांच्या पुढच्या १० पिढ्यांचा थरकाप उडेल असा...’’,   
13
Pahalgam Terror Attack: गोळ्या झाडल्या जात होत्या, मागे राहिलेले मारले जात होते... धावत होते
14
काश्मिरात अतिरेकी हल्ला, २८ ठार; 'टार्गेट किलिंग'मध्ये महाराष्ट्रातील पर्यटकांचाही समावेश
15
UPSC Result : वडिलांचे छत्र हरपले तरी साेडली नाही जिद्द; पुण्यात राहून घेतली ‘यूपीएससी’त झेप
16
भाजपाच्या केंद्रीय नेतृत्वानं टाकला नवा बॉम्ब; आजी-माजी आमदार, खासदारांना दणका
17
UPSC Result : निरक्षर आईने दाखविला यूपीएससीचा मार्ग;डाॅ. अक्षय मुंडे याची यशाला गवसणी
18
अहिल्यानगरमधील चोंडीतील मंत्रिमंडळ बैठक पुढे ढकलली; नवी तारीख कोणती?
19
Todays Horoscope : आज आर्थिक गुंतवणूक विचारपूर्वक करा; जाणून घ्या तुमचे राशीभविष्य
20
वाह रे पठ्ठया...! २२ व्या वर्षीच झाला आयएएस; पुण्याच्या शिवांशचं पहिल्याच प्रयत्नात यश

दहावी परीक्षेच्या पहिल्याच दिवशी मराठीची प्रश्नपत्रिका झाली व्हायरल;कॉपीमुक्तीचा फज्जा

By ऑनलाइन लोकमत | Updated: February 22, 2025 02:14 IST

कोठारी केंद्रावर कारवाई

महागाव (यवतमाळ) : दहावी परीक्षेच्या पहिल्याच दिवशी कॉपीमुक्त अभियानाचा फज्जा उडाला. महागाव तालुक्यातील कोठारी येथील आदर्श विद्यालयातून मराठीचा पेपर अर्ध्या तासात व्हॉट्सॲपवर व्हायरल झाला. या प्रकरणात शिक्षण विस्तार अधिकारी विजय बेतेवाड यांच्या तक्रारीवरून संशयित केंद्र संचालक व ज्या मोबाइल क्रमांकावरून पेपर व्हायरल झाला त्या अज्ञाताविरुद्ध गुन्हा नोंद झाला आहे.

सकाळी ११ वाजता पेपर सुरु झाला. साडेअकराच्या दरम्यान  प्रश्नपत्रिकेतील काही भाग अनेक व्हाॅट्सॲप ग्रुपवर फिरत होता. घटनेची दखल घेऊन तहसीलदार अभय मस्के यांनी परीक्षा केंद्राची पाहणी केली. सायंकाळी ६ वाजता महागाव ठाण्यात तक्रार दिली.

फोटोतील बॅकग्राऊंड जुळले

विस्तार अधिकाऱ्यांच्या व्हॉट्सॲपवर प्राप्त प्रश्नपत्रिकेच्या फोटोमध्ये दिसणारे बाजूचे बॅकग्राऊंड केंद्र संचालक शाम कान्होजी तास्के यांच्या कार्यालय परिसरात दिसून आले. केंद्र संचालकांशी विचारणा केली असता, त्यांनी असा प्रकार आमच्याकडे झालेला नाही, असे सांगितले. परंतु, तेथे प्रश्नपत्रिकेच्या गठ्ठ्यातील शिल्लक राहिलेल्या चार प्रश्नपत्रिकांपैकी एक प्रश्नपत्रिका चोळामोळा केलेली आढळली. यावरून पेपर लिक केल्याचे स्पष्ट होते, असे तक्रारीत नमूद केले आहे.

जालना जिल्ह्यातील बदनापूर येथील परीक्षा केंद्रावर भेट दिली असता जी दोन पाने काही वृत्तवाहिन्यांवर प्रसारित झाली होती, त्याअनुषंगाने मराठी (प्रथम भाग) विषयाच्या मूळ प्रश्नपत्रिकेची छाननी केली असता, सदरची दोन पाने ही मूळ प्रश्नपत्रिकेचे नसून, अन्य खासगी प्रकाशनाने प्रकाशित केलेली दिसून आली. तसेच, प्रश्नपत्रिकेतील काही प्रश्न व त्या प्रश्नांची उत्तर हस्तलिखितामध्ये आढळली. म्हणजे ही प्रश्नपत्रिका फुटलेली नसून गैरमार्गाने करण्याच्या दृष्टीने प्रश्नपत्रिकेचे काही प्रश्न व उत्तर व्हायरल केल्याचे दिसून येते. तर यवतमाळ जिल्ह्यातील कोठारी येथील केंद्रावर प्रश्नपत्रिका मोबाइलवर व्हायरल झाली, अशा बातम्या आहेत. या दोन्ही प्रकरणांची गंभीर दखल घेतली असून, अहवाल मागवून कारवाई केली जाईल.

देविदास कुलाळ, सचिव, राज्य शिक्षण मंडळ, पुणे

बदनापूर, तळणी केंद्रावर गोंधळ आणि दगडफेक

जालना : बदनापूर आणि मंठा तालुक्यातील तळणी या दोन परीक्षा केंद्रांवरही मराठीचा पेपर फुटल्याच्या दाव्याने व चर्चेने गोंधळ उडाला.

बदनापूर केंद्रावर कॉपी पुरविण्यासाठी आलेल्या टोळक्याकडून केंद्रावर दगडफेकही झाली. पेपरफुटीचा प्रकार जालना, जिल्हाधिकारी तसेच राज्य मंडळाने फेटाळला आहे. याप्रकरणी बदनापूर पोलिसांनी झेरॉक्स सेंटर चालविणाऱ्यास ताब्यात घेतले असून, त्याची चौकशी सुरू आहे.

येवल्यात सामूहिक कॉपी

नाशिक : दहावीच्या पहिल्याच मराठी विषयाच्या परीक्षेसाठी येवला तालुक्यातील अंदरसूल येथील शाळेत सामूहिक कॉपीचा प्रकार उघडकीस आला. पुढील परीक्षांसाठी येथे कडक बंदोबस्त तैनात करण्यात येणार असल्याची माहिती प्रशासनाने दिली.