यवतमाळ: शहरातील पांढरकवडा मार्गावर एका क वाशिंग सेंटर मध्ये गृह रक्षक दलात काम करणाऱ्या तरुणाची गोळ्या झाडून हत्या करण्यात आली. ही घटना शनिवारी रात्री 10: 30 घडली. या घटनेन मुळेन एकच खळबळ उडाली आहे. अक्षय सतीश कैथवास (31) रा भोसा रोड, यवतमाळ, असे मृताचे नाव आहे.
संबंधित व्यक्ती कार वाशिंग सेंटर मध्ये आला असताना, त्याचा पैशावरून अंजुम नामक युवकासोबत वाद झाला. यातच दोघांनीही अक्षयवर हल्ला चढविला. झटापटीत तेथून पळून जाण्याचा प्रयत्न अक्षयने केला, मात्र हल्लेखोरांनी त्याला पकडून त्याच्या डोक्यात व कपाळावर गोळ्या झाडल्या.
अक्षय वर हल्ला करतानाचे दृश्य सीसीटीव्ही कॅमेरात कैद झाले आहे. हाच व्हिडीओ सध्या सोशल मीडियावर मोठ्या प्रमाणात वायरल होत आहे. शहरासह जिल्ह्यात गुन्हेगारी घटनांमध्ये प्रचंड वाढ झाली आहे. खुनाच्या घटना देखील मोठ्या प्रमाणात वाढल्या आहे. शनिवारी रात्री उशिरा पर्यंत अवधूतवाडी पोलीस ठाण्यात अक्षयचे नातेवाईक आक्रोश करत होते. मारेकऱ्यांना तत्काळ अटक करा अशी त्याची मागणी आहे. पोलिस गुन्हा नोंदविण्यासोबतच आरोपीचा शोध घेत आहेत.
घटनास्थळी मोठा जमाव आला होता, परिस्थितीच गांभीर्य ओळखून पोलीस अधीक्षक डॉ पवन बनसोड, अपर अधीक्षक पियुष जगताप, एलसीबीचे प्रमुख प्रदीप परदेसी घटनास्थळी पोहोचले होते.