पुसद विभागात ४२ कोटी पीककर्ज

यवतमाळ जिल्हा मध्यवर्ती सहकरी बँक पुसद विभागीय कार्यालयच्यावतीने तीन तालुक्यातील १०७ सहकारी संस्थेतील ९ हजार ३६७ सभासदांना ४२ कोटी ४३ लाख ६४ हजार रुपये पीक कर्ज वाटप करण्यात आले. यामुळे शेतकऱ्यांना मोठा दिलासा मिळाला आहे.

ठळक मुद्देजिल्हा मध्यवर्ती बँक : नऊ हजार ३६७ सभासदांना कर्ज

लोकमत न्यूज नेटवर्कपुसद : यवतमाळ जिल्हा मध्यवर्ती सहकरी बँक पुसद विभागीय कार्यालयच्यावतीने तीन तालुक्यातील १०७ सहकारी संस्थेतील ९ हजार ३६७ सभासदांना ४२ कोटी ४३ लाख ६४ हजार रुपये पीक कर्ज वाटप करण्यात आले. यामुळे शेतकऱ्यांना मोठा दिलासा मिळाला आहे.जिल्हा बँकेच्या पुसद विभागीय कार्यालय अंतर्गत पुसद, उमरखेड व महागाव तालुक्यांचा सामावेश आहे. पुसद तालुक्यातील ३७ सहकारी संस्था मार्फत ४ हजार २४० सभासदांना ४ हजार ९९१.६४ हेक्टेरसाठी तब्बल १९ कोटी ७ लाख ८७ हजार रुपये कर्ज वाटप करण्यात आले.उमरखेड तालुक्यातील ५२ सहकारी संस्थेच्या ३ हजार ६६४ सभासदांना एकूण ४ हजार १८६.९५ हेक्टर क्षेत्रासाठी १६ कोटी ५४ लाख २५ हजार रुपये कर्ज वाटप करण्यात आले तर महागाव तालुक्यातील २८ सहकारी संस्थेच्या १ हजार ४६३ सभासदांना २ हजार ७.६२ हेक्टर क्षेत्रासाठी तब्बल ७ कोटी ९८ लाख ९७ हजार रुपये एवढे कर्ज वाटप करण्यात आले.बँकेचे ज्येष्ठ संचालक विजयराव चव्हाण यांच्या मार्गदर्शनाखाली विभागीय व्यवस्थापक डी.सी. राठोड, वसुली अधिकारी एस.एम. पुलाते, पी.बी. चव्हण, निरीक्षक सूर्यवंशी, पवार व रंगारी व सर्व सचिव यांनी अहोरात्र मेहनत घेऊन या कर्जवाटपासाठी परिश्रम घेतले. विशेष म्हणजे इतर राष्टÑीयकृत बँक मात्र खरीप कर्ज वाटपसाठी अद्याप पुढे आल्या नाहीत. त्यामुळे अनेक शेतकरी अडचणीत सापडले आहे.