कनेक्टिव्हिटी अभावी शेतकरी त्रस्त
वाशिम : गत काही दिवसांपासून इंटरनेटची कनेक्टिव्हिटी मिळणे दुरापास्त झाले असून त्यामुळे परिसरातील गावांतील विविध बँकांचे कामकाज खोळंबल्याचे दिसून येत आहे.
पोलीस पाटलांची १५ पदे रिक्त
वाशिम : जिल्ह्यातील १५ पेक्षा अधिक गावांतील पोलीस पाटलांची पदे गत दोन वर्षांपासून रिक्त आहेत. ती भरण्यासंबंधी संबंधित यंत्रणेने दुर्लक्ष केले असून, ग्रामस्थांना त्रास सहन करावा लागत आहे.
जीवन प्राधिकरणची पाईपलाईन नादुरूस्त
वाशिम : जीवन प्राधिकरणच्या प्रादेशिक पाणीपुरवठा योजनांची पाईपलाईन लिकेज होऊन पाणी मिळण्यात अडचणी निर्माण झाल्या आहेत. ही पाईपलाईन दुरूस्ती करावी, अशी मागणी होत आहे.
पशू लसीकरणाची प्रतीक्षा कायम
वाशिम : पशुवैद्यकीय दवाखान्याकडून काही महिन्यांपूर्वी गुरांना लसीकरण करण्यात आले. तथापि, कारखेडा, तळप बु. आणि इतर गावांत अद्यापही ही मोहीम राबविण्यात आली नाही.